ЧЭМ БЫБЭНЭН !

ҸӘМ  БЫБӘНӘН !

ӘЛИ НАСИР

Һа Толышон, ҹәм быбәнән бә иҹо,

Бо бобо  Зәрдуст бәмә сәрвәр быбу.

Һа Толышон ҹанг быкәмон бә иҹо,

Атропати јурд чәмә сәнгәр быбу.

Дәрс быгәтән чы Мадаји дастәку,

Бабәки чы дышмени рон бастеку,

Ванги бекән шымши бешу астәку,

Мәрдә бобон ном бәмә әзбәр быбу,

Ба омә нәслон бызыно фәр быбу.

Шых Заһидән дастәдә Ғырон боме,

Хан бобо Мирмустафа бә ҹон боме,

Мирһәсәни орзу бә мәјдон боме,

Ҹәнгәли Мирзә бо сәрәсгәр быбу,

Ҹәм быбәмон сәрзәмин Һәштпәр быбу.

Јод быкәмон милләти мердон номи,

Зулфигари, Бегәғә, мәрдон номи,

Новрузәли бо ды шәһидон номи,

Әчәј шәһадәт чәмә рој зәр быбу,

Зир быбу шәр, һәх бәмә рәһбәр быбу.