МОВАРДЭ РУЖЫ МЫБОРЭК,ЧЭМЭ БИЛЭ!

Разделы

Архив

Пн Вт Ср Чт Пт Сб Вс
1234
567891011
12131415161718
19202122232425
262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 8 голосов)
Изменить размер шрифта Decrease font Enlarge font
image

 

    ҺЕЈДӘРИ СӘФТӘР ӘҒӘЗОДӘ бә дынјо омә 1972-нә сори ијунә манги 3-дә че Осторо рәјони ди Арчонәдә. 1992-нә сорику  дәмандә бо шер нывыште. Һежо чә вахтикујән чәј шерон ән јолә мывзу Толыш быә, толышон дардон быән! Шаир ыштә шерон ијән поемонәдә Адәм пејғәмбәри (ә) офәјә ружику жыго бәшәријәти раст омә мышкулә проблемон нојдә бә мәјдон, нәвејдә бочәвон һәлли роон, инсонон сәдо кардејдә бә Хыдо ро! Ыштә хәлғи – толышон, ыштә Вәтәни – Толышстони дардонән һәмон бы мыстәвијәдә нәзәро дәвонијә шаир, толышон һәммәј сәдо кардејдә бә Хыдо бојдәғи әтрофәдә гырдә бе. Чәј шерон һандә һар гылә толыш ҹәвоб пәјдо кардејдә боштә парсон. Шаири сыханон бәнә сесәкә рујәни ов бејдән толышон дыләдә, бәвонку меһиббәт тәрбијә кардејдән бә Толышстони, бәчәмә хәлғи, бәчәј зывони ијән тарыхи. 
     Ды-се кәлимән нывыштем пијејдә Сәфтәри шәхсијәти, инсонәти һәхәдә. Һич гылә мыболиғә ныбә, ыми бәзнем воте ки, чымы ыштә умрәдә раст омә һәзо-һәзо инсонон дыләдә Сәфтәри де кам одәми мығојисә карде бәбе. Деәј һәмсыхан быә, камәдә-вејәдә һәмроәти кардә, нышт-әшт кардә, чәј сурфә сәдә нун-немык һардә, дечәј хыјзони, дечәј корпә балон таныш быә һар кәс бәзне воте ки, Сәфтәр Әғәзодә гыләј вәјшти фириштәје ки, Хыдо бахшыш кардә бәчәмә толышә хәлғи! 
      Ымруж чәмә хосә шаири мовардә руже. Әмә бы азизә ружәдә ыштә ән хосә орзујон роснејдәмон бәј, бәчәј хыјзони, бәчәј балон. Чәмә дылон һежо деты бә иврә жәјдән, чәмә хосә Билә! Орзумон әве ки, ышты дылән жыгошән һежо де толышон быбу! Хыдо хәшәҹон быкә тыни! Хыдо зу быдә бәшты ғәләми, тожә шерон бынывышт, быдә чәмә балон зывони әзбәр быбун әвон!
     Гыләјән чиј бывотым: Ымруж Москвадә әмә  Һәзрәт Әли Әмирәлмомини (ә) Мрвлуди ид кардејдәмон! Хосә Сәфтәр, ты һежо чә јолә Шәхсијәтику зу сә, илһамы сә! Әве, бы мәҹлисәдә һандә быә Хыдо кәлимон һар гыләјни сәвоб бәтынән рәсејдә! Һәзрәт Әли (ә) комәг быбу бәты, хосә Сәфтәр!  

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|