Бетэмэ Нуjэ сор

Разделы

Архив

Пн Вт Ср Чт Пт Сб Вс
1234567
891011121314
15161718192021
22232425262728
293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 791 голосов)
Изменить размер шрифта Decrease font Enlarge font
image

 
 


 

Бетәмә Нуjә сор


 

Деғыж

 

 

 

Сор дәгиш бе, сор омәj чы сорисә,

Канә сор ше, Нуjә соре сор есә!

 

Чәмә жимон кардә бы мәhоләдә,

Декабрә манги охонә ружәдә

Канә сор сә бе, бино бе  тожә сор.

Шанго мәхлоғ hәммәj ныште бә суфрә,

hәммәj вотен нуjә соре сор есә!

Сор дәгиш бе, сор омәj чы сорисә,

Канә сор ше, Нуjә соре сор есә!

 

Едjәсәjм пенҹәо, шим аз бә думот,

Вотем, шинә Хыдо, Ты ыштән бывот:

Зымыстони нә сыфтәjе, нә охоj,

hәмон воа, hәмон шәхтә, ым чы коj?

Чыми коврә Нуjә соре сор есә?!

Сор дәгиш бе, сор омәj чы сорисә,

Канә сор ше, Нуjә соре сор есә!

 

hәмә мәhол мандә воа жиjедә,

Руж кырт бедә, шәвән дыроз дамәдә.

Тәбиәт гырд hытә, шинә hанәдәj,

Панбәjнә пенҹәк косиби танәдәj!

Чокнә бәj бывотым Нуjә сор есә?

Сор дәгиш бе, сор омәj чы сорисә,

Канә сор ше, Нуjә соре сор есә!

 

Охо чы иди ни Илаhи мәзмун,

Песохтәшоне әв канә одәмон!

hичи дәгиш ныбе охо бы ружи,

(Одәмон пур кардедән ыштә лузи!)

Де тәғвими Нуjә соре сор есә,

Сор дәгиш бе, сор омәj чы сорисә,

Канә сор ше, Нуjә соре сор есә!

 

Хыдовандә, гынокор Мәзын мыни,

Бә ҹо хәлғи ағыл доj ниjәтым ни!

(Бәлкәмән ым чы зиндони тәсире,

Чымы  фикфамән бәнә мы әсире!)

Гырд бетәмә Нуjә соре сор есә,

Сор дәгиш бе, сор омәj чы сорисә,

Канә сор ше, Нуjә соре сор есә!

 

hичи әрәсни бәчәмә Нәвузи,

Чы Хыдо меҹузәj чәмә Нуjә сор!

Кулли-каинот ид кардә ә ружи,

Бино беjдә hәмон ружи Нуjә сор,

Мәhз бә ружи сор омеjдә сорисә!

Сор дәгиш бе, сор омәj чы сорисә,

Канә сор ше, Нуjә соре сор есә!

 

Сори оме хәбә доjдә вәнәшә,

Чәшрушни доjдә: - Сор тожәj, канәj шә!

Пәрысгылы омдә бә мыждәвони,

Лонәлиз кардедә, пешандән дони!

Быми бәвотем тожәjе сор есә,

Сор дәгиш бе, сор омәj чы сорисә,

Канә сор ше, Нуjә соре сор есә!

 

Бино беjдә тожә жимон, тожә сор,

Сори вәсә әвәсоре, әвә-сор!

Воа воjдә пиjо, ов бедә жиjо,

Дыздә раhан тоспынедә зәмини.

Хәбә дојдә: тожәjе сор есә!

Сор дәгиш бе, сор омәj чы сорисә,

Канә сор ше, Нуjә соре сор есә!

 

Дылонәдә hәзо орзу, hәзо шо,

Тәбиәтән, ҹәмиjәтән бә шоjво!

Дорды-бәло манде канә сорәдә

Хәшәҹони бәбе Нуjә сорәдә!

Шоjво быкән, хокон бин бә сори сә!

Сор дәгиш бе, сор омәj чы сорисә,

Канә сор ше, Нуjә соре сор есә!

 

Jодо бешдә “чыл кындә” дард, сарди дард,

Чы хыjзони рыски-рузи, hарди дард,

Тәвиләдә чы мол-мәлә чарди дард!

Дыл обедә, оҹон омдән одәмон:

Гыләjән сор омәj чәмә сорисә!

 

Сор дәгиш бе, сор омәj чы сорисә,

Канә сор ше, Нуjә соре сор есә!

 

... Бы вырәдә hолым ижән дәгарде,

Чымы дыли ижән вәhмыш сәварде!

hасор әмә чәш кардәмон Нәвузи,

Сәjдән чәмә дасто чәмә Нәвузи!

Нәвуз  ҹо хәлғи “Нуjә соре” есә!

Сор дәгиш бе, сор омәj чы сорисә,

Канә сор ше, Нуjә соре сор есә!

 

Вәтәнымон, довләтымон дасто шә,

hәнијән гон бәбе вәзjәт жыгошә!

Жыго бешеjдә, әмә hич хәлғ нимон,

Бәшмә сырә ныво, әмә hич нимон!

Әмәни бәштә ро бардедә hампо,

Пәләнгимон, әмма де вағи hәмпо!

Чәj әсли-нәсли hички зынеjдәни,

Ыштә кибе ыштәнән зынеjдәни!

hар подшо тожә hәво жәjдә бәj,

hар омә подшо тожә ном ноjдә бәj!

Чәj ыштәни нә идыш ни, нә адәт,

Әнҹәх бә пули кардедә ибодәт!

Чәj ҹони быстән, әнҹәх пул быдә бәj,

Бә hар ранг дәбәше бо вәзифә сәj!

hарчи ғырбон доj hозыj бо вәзифә,

Әрбоббе ән hостонә ро вәзифәj!

**************

Вахте hәни, боj бышәмон дештә роj,

Быжиjәмон дештә боон, дештә тоj!

Чәмә довләт бәзне карде ымони,

Чәмә довләт пебәрохне әмәни!

Обәгордыне әв чәмә тәғвими,

hа толышон, шымә бызынән ыми!

Гуш быдән бә Деғыжи бы сыханон,

Боән,  ыштә довләти бысохтәмон!

hәмон ружи бәзнемон воте әмә:

-Сор дәгиш бе, сор омәj чы сорисә,

Гыләjән сор омәj чәмә соронсә!

Сор дәгиш бе, сор омәj чы сорисә,

Канә сор ше, Нуjә соре сор есә!

 

hәмә мәhол мандә воа жиjедә,

Руж кырт бедә, шәвән дыроз дамәдә.

Тәбиәт гырд hытә, шинә hанадәj?

Памбәjнә пенҹәк косиби танәдәj!

Чокнә бәj бывотым Нуjә сор есә?

Канә сор ше, Нуjә соре сор есә,

Чәмә иде, чәмә Нуjә сор есә!

 

Охо чы иди ни Илаhи мәзмун,

Песохтәшоне әв канә одәмон!

hичи дәгиш ныбе охо быружи,

(Одәмон пур кардедән ыштә лузи!)

Де тәгвими Нуjә cоре сор есә,

Канә сор ше, Нуjә соре сор есә,

Чәмә иде, чәмә Нуjә сор есә!

 

Хыдовандә, гынокор Мәзын мыни,

Бә ҹо хәлғи ағыл доj ниjәтым ни!

(Бәлкәмән ым чы зиндони тәсире,

Чымы фикфаман бәнә мы әсире!)

Гырд бетәмә Нуjә соре сор есә!

Канә сор ше, Нуjә соре сор есә,

Чәмә иде, чәмә Нуjә сор есә!

 

hичи әрәсни бә чәмә Нәвузи,

Чы  Хыдоj меҹузәj чәмә Нуjә сор!

Кулли-каинот ид кардә ә ружи,

Бино беjдә hәмон ружи Нуjә сор,

Мәhз бә ружи сор омеjдә сорисә!

Канә сор ше, Нуjә соре сор есә,

Чәмә иде, чәмә Нуjә сор есә!

 

Сори оме хәбә доjдә вәнәшә,

Чәшрушни доjдә: - Сор тожәj, канәj шә!

Пәрысгыли омдә бә мыждәвони,

Лонәлиз кардедә, пешандә дони!

Быми бәвотем тожәjе сор есә!

Канә сор ше, Нуjә соре сор есә,

Чәмә иде, чәмә Нуjә сор есә!

 

 

 


 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|