ШЕСТЫ ДЫ СИНЫМ ДАМЭJ ЫМ РУЖ

Разделы

Архив

Пн Вт Ср Чт Пт Сб Вс
123456
78910111213
14151617181920
21222324252627
28293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 380 голосов)
Изменить размер шрифта Decrease font Enlarge font
image

 
 

ШЕСТЫ ДЫ СИНЫМ ДАМӘJ ЫМ РУЖ

ДЕҒЫЖ

Шесты ды синым дамәj ымруж,

Поjсәм hәлә, шык бә Хыдо!

Лынгоным кырнедән мыни,

сәм вырәдә, мазғ ғаjдәдә,

дастым ғәләм гәтедә,

нывыштедәм,

бызын: ЖИJЕЈДӘМ ...

 

Дим сыредә,

гуш мәседә,

гәв бә коjе,

hоредә бәнә осjо

(Гирәм дон бо бә осjо!).

Зывон бә гәпе боштә,

данҹедә-екардедә.

hарчи чоке, сәломатим …

 

hарчи чоке?!

Бәс ым нәм чиче чәшәдә?

Бәс ым ғәм  чиче дыләдә?

Бочи дыло хун ру бедә,

Дыл ғәмәдә тәседә?..

 

Дард иглә ни, дард hәзоjе,

Дылым дардику безоjе,

Дардон лонаj чымы дыл,

Дылым дасти дардон hыл-hыл,

Дыл бо бәме hозыjе,

Бомы бәме jәсоје!

 

Әғыли дард, jоли дард,

Хыjзони дард, сони дард,

Ов-авлоди, нуни дард,

Пиjәти дард, ҹони дард ...

Син егардә, ҹонәдә ҹон мандәни,

Ҹоным hәни и тазисә мандәни...

 

Ғурбәти дард hәмә дардонсә jоле!

Ғурбәт фамедәни чымы зывони,

Ғурбәт демы гәп жәjдәни.

Ыштә дардон вотедәм бә ғурбәти,

Әв бәмы ҹәвоб доjдәни,

ғурбәт дамә беjдәни,

ғурбәт бә hаj рәседәни,

ғурбәт безывоне,

ғурбәт лоле!

Ғурбәт коле,

hәлә рәсәни,

ғурбәт бомы Вәтән ни!

Ғурбәт бомы гыләj зиндон,

Зиндоно омәм бә зиндон...

Чымы hәзо дарди дамон Вәтәне,

Чич быкәм, Вәтәнән бомы зиндоне!

 

Чымы бәме hәхым ни,

Охо чәмә ҺӘХ ым ни!

 

Чорә чиче?

- ОЗОДИ!

Чәмә hәхе ОЗОДИ,

Озод бәбемон рә-ди,

Озод бәбем аз рә-ди!

 

Кәjнә бәбе аз ә ружи бәвиндем,

Шинә Хыдо, аз ә ружи бәвиндем?

(Ғысмәт Быкә, аз ә ружи бывиндым!)

Кәjнә бәбе, ыштә хәлғи шо бәкам,

(Ғысмәт Быкә, ыштә хәлғи шо быкәм!)

Сә пәрчәми Ланконада о бәкам?

(Ғысмәт Быкә, сә пәрчәми о быкәм!)

 

Чанә ки ым “кәjнон” hестин марде ни,

Бы роәдә марде hесте, гарде ни!

 

Шесты ды синым дамәj ымруж…

hич нызнәме, кәjнә пи бим?

Бәчи жыго рә аз пи бим?

Чымы жимон есә гыләj мандә ов,

Дышмен hозыj бынышты бәчымы лов!

Де сори не, бә гәз памjедәм умри,

Сады чыл километрәj чәj дырози…

(Москвао ба Коломна 140 километрәjе)

Чо манге ки, умри роj аз шеjдәним,

Жимони боj аз ыштан кырнеjдәним…

Чанда толыш ә роj шеjдән-омеjдән,

Чымы шәлә есә әвон кырнедән...

(Чымы умри есә әвон жиjеjдән!)

Әвон чымы жиjә сорон ғәзәнҹин,

Әвон чымы хәлғи jолә ғәзәнҹин!

Шәв-ру бә ҹангин әвон,

hич роhат hытеjдәнин,

ҹанги роj шеjдән әвон,

hәмро быбән деjәвон!

Рост бин hәмә хәлғон, әмәнән рост быбәмон,

Сә пәрчәми, боj, әмәнән рост быкәмон!

 

Хыдо офәjә Толыш, әмә Хыдо hәхимон,

hәхи роjе чәмә роj, де hәхи роj бышәмон!

 

Озоди роj hәхи ро, Хыдо hәхе озоди,

Ғарзхомон ым hәхи Бәj, ыштә ғарзи быдәмон!

 

Вәсе зиндон бе Вәтән, вәсе ым дустәғәти,

Бә озоди ҹанг бешән, хәлғи озод быкәмон!

 

Аз зиндоно бешомән, мыни озод мәзынән,

Толыш әhли-зиндоне, чәj әмә чоj пекәмон!

 

Мәзынән мардә Деғыж, мәвотән әв hәни ни,

Чанә озод ни Толыш, марде jодо бекәмон!

Шесты ды синым дамаj ым руж…

Чичон hестин чымы умри тумәдә?

Чиче чымы ғәзәнҹ, чиче мыкофот?

 

Ғәзәнҹым чымы хәлғ, чымы Вәтәне,

Чымы hышкә ҹонән бәвон ғыбоне!

Озоди ҹанги нәрим,

Демиjән бәхтәвәрим!

Де ованди ым ҹанги роj шедәмон,

hар тоным толыше – ым тон, ә тон,

әмәни чәш кардедә

СӘБӘСОЖӘ ТОЛЫШСТОН!

 

   

            Хосә толышон! Хосә дустон!

            Фырсәте вотаjнә, jолә сәғби вотеjдәм бә шәхсон ки, бы чо манги дыләдә дастәк доjдән бәмы иjән бәчәмә хәлғи, бә даст-почән ки, аз озод быбум зиндоно! Бахтәвәр быбун ә шәхсон ки, чәшрушни доjдән бәмы бы азизә ружәдә! Ыми бызнән ки, аз ыштән есә зиндонәдә быбомән, руфым дешмә иҹоjе, әмә иҹо идомә кардедәмон ыштә милли-озоди ҹанги! hич гылә зиндон арыште нибәзне әмәни, hич гылә ғыввә опыртыниjе нибәзне чәмә ҹанги роо, әмә, иншаллаh де ованди бә сә бәроснемон ыштә ҹанги, озод бәкардемон ыштә хәлғи, ыштә Вәтәни, бәсохтемон ыштә сәбәсожә довләт Толышстони! hич шәкон ныбу ки, ым жыгоән бәбе! Быжиjы чәмә хосә хәлғ! Быжиjы Толыши мили-озоди ҹанг! Быжиjы сәбәсожә Толышстон!

Де jолә hурмәти иjән еhтироми

Фәрмони Фәхрәддин Әбосзодә

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|