ЧЫМЫ ФАХИ БОЛИ

Разделы

Архив

Пн Вт Ср Чт Пт Сб Вс
1234567
891011121314
15161718192021
22232425262728
293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 88 голосов)
Изменить размер шрифта Decrease font Enlarge font
image

 

 

ЧЫМЫ  ФӘХИ  БОЛИ

Аллаһверди Бајрами

 

            Фәхрәддин Фәрмани зоә Әбосзодә моәобә 25.12.1956-нә сори Лик рајон Быләбанд диәдә. Али тәһсил сәше БДУ тарих факултәдә (1978). Һежо ын факултәдә 15 сор миәллим ко кардәше (1981-1995). 1984-нә сорику тарих елмонро фәлсәфә докторе, ТММР Милли Мәҹлиси сәдр выжнијәбә (1993). Мыддәти муһаҹирәтдәбә, Русијәдә жијә (1995-2005). “Толыш” (Санкт-Петербург, 2002-2005), “Шәвнышт” (Боку, 2005-2008) гәзетон редакторбә. Сәнибәтон шә бә һиҹрәт, чә вахтику Русијәдә жиједә (Москва, 2008-...).

            Чымы де Ф.Ф. Әбосзодә ошнәти чәмә Толыши Лывемони сыфтәнә вахтоно бинобә. Дәвардә сасори 90-нә соронәдә мәседәбим чәј номи, гәзетонәдә чәј имзо виндедәбим, чәј елмијә-публисистә, патриотә мәгаләон һандедәбим. Һәтта “Толыши сәдо”, “Толыш” гәзетонәдә чымы дәрҹбә мәгаләон әј редактә кардәшбе.

            2005/08-нә соронәдә Азәрбојҹонәдә бејәдә, шәхсән дими-дидо кардымоне чәј инә бә рәһмәт шә вахтонәдә Лики Быләбандәдә. Пеши иврәдә ве бимон, ве гәп жәмоне, мәрасимонәдә, мәҹлисонәдә, хәј-шәронәдә иврәдә ширкәт кардымоне.

            Чәј барәдә чымы мәсәон әј виндә бәпештә бә реалә формә дәшин, чымы вәдә гыләј шәхсијјәт бә мијон омәј: нығылә фикфамә одәм, мубаризә инсон, инодкарә-меһкәмә характерә шәхсијјәт! Ве алимә болијон раст омәм ки, елмонро фәлсәфә докторин, дынјо зынемоншон ни, ды кәлмә омуне, ыштә фикфами ифадә карде зындәнин, Фәхрәддинән тарих елмонро фәлсәфә докторе, әнҹәх чәј дынјо зынемон чанәдә нығыле, чәј гәпемон чанәдә әһотәнине, де елми-мәнтиги фактон чанәдә гәнчине ки, әј гәп жејәдә одәми пидәше ки, чыко бәвотен, бәчәј гәв дәши!

            Ф. Әбосзодә чанд елми саһәдә сәјбыкә алиме: тарих-етнографијә, филологија, фәлсәфә, политологија, сосиологија... Мәтбуатәдә, интернети сајтонәдә, радио-телекомонәдә, бәрномонәдә чәј елмијә-сијасијә гәпон, нытгон мәсә одәмон валеһ кардедә. Чәј тижә ғәләми мәһсулбә һәзо мәгаләон интеллектә иҹтимаијәти ғәзәнҹе!

            Ф. Әбосзодә филологијә саһәдә нывыштә әсәрон, мәгаләон, китобон, луғәтон бә чымы ихтисоси аидберо бомыро һәнијән ве ғијмәтине. “Толыш”, “Шәвнышт” гәзетон редактор бејәдә, чымы мәгаләон һәминә гәзетонәдә редактә кардејәдә дејәнды ве мубаһисон, мулаһизон кардәмоне, чыконә бәвотен, јәнды чок-чоки ешандәмоне, бәјәнды һар ҹәһәти бәләд быәмон, охо бә и мәхрәҹ омәмон. Һај гылә мәгалә быә “Де”, “Че” навсыханон, “Ү”, “Е” феноменон, "Дифронгон” ... барәдә мулаһизон бы ғәбиләдән.

            Ф. Әбосзодә Толыши Лывемони лидеронәдә гыләје. Дәвардә 28 сорәдә Толышистонәдә бәсә омә тәбәддулатон, Дынјо Толыш Һәрәкоти мәркәзонәдә чәј мәҹсуси вырәш һесте. Дештә активә фәалијјәти һәмишә навәдәбе. Лозымбә вырәдә Русијә, Ирон, Ермәнистон, Азәрбојҹонәдә толыши әнмуһумә мәрасимонәдә ширкәт кардәше.

            Толыши мугтәдирә зывоншуносонәдә гыләјбыә филологија елмонро фәлсәфә доктор Әвәз Садыгзадә чәј дајбе. Дәчәј васитә Ф. Әбосзодә де филологија елмон һәнијән незәдә дасткобә, “Толыши Сәдо” гәзетәдә мыддәти редактор ко кардәше. Пеш дај марде, чәј “Толыши зывони грамматикә” китоб чап кардәше, ыштән ҹолинәә ды зывонәдә бә уруси, бә толыши “Толыши зывони морфологија ијән синтаксис” номәдә гыләј мукәммәлә елми әсәр нывыштәше.

            Ф.Ф. Әбосзодә “Уруси-толыши гәпемон”, “Уруси-толыши”, “Тырки-толыши”, “Ингилиси-толыши”, “Фарси-толыши”, “Толыши-тырки” монументалә тәрҹумә луғәтон тәртиб кардәше, ыштә умри ән шинә вахтон чәвон сәпе ноәше. Һәтта бә хыјзони танә-тоһмәтон, бә деврони тәзјигон, бә дуст-ошнон пештгордыне раст омәбуән ыштә че хајмәндә коонку даст кәшәшни, бә јолә мәһрумијјәтон мәрузбыә.

            Бә һәмә мәлуме ки, Азәрбојҹон һукумәти әј тәғијә кардедә. Бә сәбәбо һукумәтәпәрәст вәтәндоонән, че Фәхрәддин боли анәдә зәһмәтон бә лынги-ләғә жә “канә дустон”ән бәчәј вәјнән.. Һар чыконә быбу, Фәхи боли чан бәжән бомыро әзизе: толыши јолә алиме, тарихшунос-сосиологе, политолог-идеологе, зывоншунос-луғәтологе!

            Чандә сорон һәмроәти кардәмоне, нун-немек һардәмоне, дыләгәпон жәмоне, фикфамонимон-әгидәмон толышә хәлги ростемонбә: әгидә дустимон!

            Фәхи боли, ты һәхәдәш! Һәх чы Хыдо номе! Хыдо ышты дәбастә бәј обәкарде, ты зиндоно озод бәбеш! Ыштә дыли бә Хыдо быдә!

01.10.2018

 

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|