Хок бэшты сэ ! (II)

Разделы

Архив

Пн Вт Ср Чт Пт Сб Вс
1234567
891011121314
15161718192021
22232425262728
293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 35 голосов)
Изменить размер шрифта Decrease font Enlarge font
image

 
 

Хок бәшты сә !

 

Баләддин Вешо

 

(толышон дыләдә бәштә “толыш” бывот,

кәно бәштә “азәрбајҹаниж” вотә кәсон һәгигәтән нимә толышин...)

II

 

Бој быдәм аз “шок” бәшты сә,

Нимә толыш, хок бәшты сә !

 

Зынедәниж тарих гардә,

Дәвардәјон бә вә вардә ?!

Һәгигәти докуә кардә ?!

Әвән кудә тык бәшты сә,

Нимә толыш, хок бәшты сә !

 

Лусон бәшты ғәсти мандән...

Ты сијән шеж, әвон зандән...

Бә ләғ нојдән, чичон һандән,

Ләхтужон кај һәкк бәшты сә,

Нимә толыш, хок бәшты сә !

 

Сәросне һич ниже фојдә,

Һәлә бәты кефе дојдә...,

Бәшты кәллә хыјнән нојдә,

Пеши бәвој кек бәшты сә,

Нимә толыш, хок бәшты сә !

 

Чәвон дуст ни ғәјрәз бәвон,

Сәј рост быкә, кыве сәјвон ?

Сәдә бышы манде јәвон,

Пешы бәкуен дук бәшты сә,

Нимә толыш, хок бәшты сә !

 

Нур не, зуркиж бән, хәбә ни ?

Ҹо ҹур иргиж бән, хәбә ни ?

Канә тыркиж бән, хәбә ни ?

Әҹәб дамдә, шык бәшты сә !

Нимә толыш, хок бәшты сә !

 

Бо ҹојонро кардә ғәшш ты,

Кәј сојб быби, хыјзон, кәј ты...,

Бә отәши ве нез бәш ты,

Бәваште һа зик бәшты сә ?!

Нимә толыш, хок бәшты сә !

 

Атропати зындәниж ты,

Попоки рој виндәниж ты,

Бә  нәсјәти мандәниж ты,

Сәһвә рој доә чәк бәшты сә,

Нимә толыш, хок бәшты сә !

 

Кудәм, гасбу одәм быбуш,

Бәнә мерди бәштә ебуш,

Зындәныбиж боме и руж,

Бәгыне ын рык бәшты сә ?

Нимә толыш, хок бәшты сә !

 

Беғырјәтиж, бә по гындәш,

Чәмә чәшдә путә кындәш;

Дын ағыли жығо зындәш,

Ғәсәм һардә Лик бәшты сә ?

Нимә толыш, хок бәшты сә !

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|