КЭ ЕШАНДЕ

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 29 голосов)
Изменить размер шрифта Decrease font Enlarge font
image

 

КӘ ЕШАНДЕ

 

            Хосә толышон! Нәвузә ид омејдә, әве чәмә хәлғи кали адәтон һәхәдә гәп жәј вахт омә рәсә. Бә идәвәј аид адәтон гыләјни “кә ешанде”је. Чыми мәно ыме ки, толышон лап ғәдимику жыго, һәм ыштә дарды-бәлон, һәмән озо-бәлон “һаштејдән” дәвардә сорәдә!  Нујә сор бы мәноәдә, һәмән хәшәҹони вардејдә! Одәм хәши шәртон гыләјнијән тәмизије!  Әве чәмә толышон бә Нәвузи һәлә хәјли мандәј, ыштә кәон ешандејдән, јәне, тәмизи кардејдән! Һәммәјсә чок дијонәдә мышоһидә бејдә кардеј ым мәросими. Жен-кинон кәј оләтон һәммәј оғандејдән бә Һәши, шыште лозим быә гылон шыштејдән! Чәјоән кәон һәм дыләтоно, һәмән бентоно андујејдән, сипи кардејдән! Ымијән бывотым ки, Толышстони кали выронәдә, мәсәлән, Ланкони Шәғоләсејәдә бы мәросими вотејдән “Кә беғанде”.   Чыми мәно ыме ки, Идәвәдә мәхлоғ “беғандејдә”, јәне бә со бекардејдә кәј оләтон, леф-сәнго, холчә-пәлоси һәммәј, ешандә гылә ешандејдән, шыштә гылән шыштејдән! Чәјоән до-гичән, выләрестон һәммәј де әһәнги сипи кардејдән!

            Дијәроо едјәсеәдә, одәми дыл обејдә! Һар тәрәфәдә кәон сипи-сипи дојдән! Мылхәс, жәго кардејдән ки, быдә һич гылә чыркинә оләт ныманды бо Нујә иди, кәон һар тәрәфән “тожә” быбу! Идәдән һәмәкәс тожә оләт танкардејдә, тожә оләт ныбыәкәсән, ыштә оләтон шыштејдә, тәмиз кардејдә!

            Интаси толышон һәммәј дијәдә жијејдәнинхо! Шәһри вырәдә жијәкәсонән “ешандејдән” ыштә кәон!

            Бы ружонәдә чәмә кали дустон омәбин чәмә кәј. Хәјли ныштимон, дарды-дылымон карде, Хыдо роснијә рузимон һарде. Чәјо аз әштим сәпо, вотем, боән шымәнән комәг быкән бәмы, кәј ешанде лозиме! Хыдошон комәг быбу, һәммәјәво әштин сәпо, һар гыләјни дәчыкәј гыләј којку! Жыгонә, пенҹә пардонымон шыште, кәј пенҹон һәммәј шишәғәлјон бин, и кәси кијәсәш моләј, рытыше, ә гыләјни ваннә отағыш жыго шыште-моләше ки, тосә есә вириски дојдә! Бо шангонә сәмон карде, чәјо ныштимон бә чајә сурфә!

            Ымони нывыштејәдә мәғсәдым һәмән әве ки, быдә ҹо мәмләкәтонәдә, хысусән Русијәдә жијә толышон јодо беныкән чәмә хәлғи ым мыборәкә адәти, тосә Нәвузи оме ешандын ыштә кәон!

            Омә Нәвузон, омә Кулон мыборәк быбу! Хәшәҹон быбән!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|