МАРЫШТЭН ЧЭМЭ ЧЫВОНОН КЭШ-ПЭРИ

Разделы

Архив

Пн Вт Ср Чт Пт Сб Вс
1234567
891011121314
15161718192021
22232425262728
293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 27 голосов)
Изменить размер шрифта Decrease font Enlarge font
image

 

МАРЫШТӘН ЧӘМӘ ҸЫВОНОН КӘШ-ПӘРИ!

Фәхрәддин Әбосзодә

 

            Хосә толышон!

            Зынәкәсон чок зынејдән ки, чәмә ҹывонон (јолон һәлә вотејдәним!) һәммәјсә веј доә парсон гыләјни ыме ки, “Әмә чич быкәмон? Кон кој дәчыкәмон?”. Һежо бәвон вотејдәм ки, һар кәс ыштә зувышкә, ыштә зынә кој дәчыко, ә коон быко, демијән һәммәјсә чокә хыдмәт бәкарде бәчәмә хәлғи!

            Жыго гәпоным веј кардә һәмән де “Лик-Ланкони”. Әвән рози быә дечымы нәзәри, вотәше ки, “чымы ком ни де һич гылә сијоси ҹәрәјони, партијә, тәшкилоти! Конҹо бывиндом ки, хәј һесте бочәмә хәлғи, әјоән бәбем, ыштә чок зынә, зувышкә хыдмәти бәкардем бәштә хәлғи!”. Азән ыштә хәј-дывом доә бәј, вотәме ки, кејнә еһтијоҹыш быбо бәчымы мәслоһати ја дастәки, чымы чәшонсә!

            Пешынә вахтонәдә шымә ыштән шојдишон ки, һәмон ә Лик-Ланкон рә-рә гәдә пандинә һикојон ијән һәдисон пегордынејдә бә толышә зывон, әвони озывон вардејдә, чәјоән едаштејдә бә толышон нәзә!

            Ымијән бызнән ки, чәмә ҹывонә Билә моәку быә Русијәдә, ијо һандәше, есән идомә кардејдә ыштә тәһсили. Әве әв есә-есә умутејдә толышә зывони. Һәмән анә һәкәме ыштә бы пијәјәдә ки, ружбәруж, де Хыдо комәги, бә нав шејдә, ше-ше һәнијән чок гәп жәјдә ыштә Инә зывонәдә. Интаси, әв ыштәнән бә гиј гәтејдә ки, чәј зынәјон ками кардејдән бо ҹурбәҹурә мәтнон ҹо зывононо бә толышә зывон тәрҹумә кардеј. Әве, ҹо толышон пегордынејдән боәј һәмон ә мәтнон. Хыдо комәг быбу бә одәмон һәммәј!

            Әмма мәсәлә бымәдә ни! Мәсәлә бымәдәј ки, аз ыштән шәхсән шојво кардејдәм ки, ым ҹывонә зоә ыштә рош гәтә, бә нав шејдә, әв сабитғәдәме ыштә нијәтәдә, шәв-руж бә које! Гыләјән воҹибә мәсәлә ыме ки, әв, тәләбә бе-бе, һәмән ко кардејдә, ыштәни огәтејдә. Демијән жыго, әј дештә һәлолә пули һыријәше ҹурбәҹурә апарәтон, дечәвон комәги кәшејдә видео ијән ауди чәхон!

            Әве, аз жыго сәрәсејдәм ки, чәмә һәмә толышон, хысусән сининә одәмон, сипиришон, јолон һәммәј бәпе шо быбун ки, жәго ҹывонә зоон ијән кинон ыштә умри һәср кардејдән бәштә хәлғи овҹи кој, хәј-дыво быдән бәвон, дастошон ҹо комәг нывоән, һич ныбо, пожәнәти ныкән бәвон!

            Бы вырәдә омејдәм ыштә әсыл мәтләби сәпе. Һич шәкым ни ки, вејнә толышон гушышон доә бә Лик-Ланкони бы незони Фејсбукәдә бәмә едаштә Ғырони Сурә Бәгәрә 255-нә ајә - “Ајәтул Курси”. Азән гушым доә, бәгәмым кардә. Росте, мәтни тәрҹумә зәифе, нохсанине. Әмма боән ијо ҹәвоб быдәмон бә дыглә парси: 1) Ғырони бә ком зывон кардә быә тәрҹумә идеале? Һич гыләјни! Чумчыко Ғырони јолјәти һежо бымәдәј ки, ғејри-мымкуне әј бә ҹо зывон дырыст тәрҹумә карде! 2) Гирәм бә дынјо ҹо зывонон Ғырони дырыст тәрҹумә кардеј ғејри-мымкунебу, бәвәдә бәчәмә һәлә есә-есә әдәби зывони ғәзинә бә дәрһәл рәсә толышә зывон әј пегордыније гырд кафтә мәсәләје! Мәсәлән, мы 2002-нә сори зынәме ки, Бејтулла миәллим веј вахтебән дәмандә бо Ғырони тәрҹумә карде. Сыфтә иҹо ныштимон деәј, дәмандимон бо нывыште. Әнәһој дәныварде, Бејтулла миәллим воте, “Ты бәчымы охој бешиш! Чымы һолым ни һәни идомә быкәм ым кој! Әве, дојдәм бәты ыштә кардә тәрҹумон, ты ыштән идомә быкә ым кој!”. Азән рози бим. Ныштим дештә әрәби зывони ијән шәриәти чок зынә һовәзо, иҹо тәрҹумәмон карде 5 гылә Сурә (I-V). Пешы аз омәјм бә Москвә, нимәдә манде ә ко (Хыдованди, имкон быбо, идомә бәкардем ә кој).

            Ымони нывыштеәдә чиче чымы мәғсәд? Әве ки, есә аз ыштә һәмон ә тәрҹумон һандеәдә, веј вахти хәҹоләт кәшејдәм! Бочи? Чумчыко кали мәтнон аз есә гырд ҹо ҹурә тәрҹумә кардејдәм! Бымәдән һич чочинә ко ни! Чумчыко аз есә бәсә бә вахтисә чок зынејдәм ыштә зывони!

            Бы вырәдә жыго гыләјән мәсәлә бешејдә бә мијон: Бә вахти веј одәмон вотејдәбин бәмы ки, “лозим ни Ғырони тәрҹумә карде!”. Чәвон кали гылон, хысусән кали толышә руһанијон вотејдәбин ки, “еһтијоҹ ни, тыркә зывонәдә һесте, вәсе!”. Ҹо толышон вотејдәбин ки, “толышә зывонәдә анә сыхан ни ки, Ғырони тәрҹумә быбу кардеј”.
            Мылхәс, бәвәдә кам одәм бовә кардејдәбе ки, әмә жычиј бәзнемон карде! Имон азизе, охо сыфтә аз ыштәнән ҹигә кардејдәныбим! Әмма, Хыдо рози быбу Бејтулла миәллимику, әв һәкәм манде, вотыше ки, “лозиме ым кој карде!”. Әј һежо вотыше ки, “мәтарс, чәтини бы кој бино кардеје, чәјо һарчи чок бәбе!

            Есә аз парсејдәм чәмә толышонку: Гирәм Бејтулла миәллим һәкәм мандәнәбәј, азән тарсәбәјм, бәвәдә чич әби чәмә ғәзәнҹ? Һичи нәби! Әве вотејдән ки, шәкәс бәзне бә мәнзыли рәсе, мандәкәс һежо әјоән бәманде! Сыхан чымы ыштәнику шејдәбу, бәвәдә 5 гылә Сурәмон тәрҹумә карде, есә чәјсән чок тәрҹумә кардејдәмон! Едаштејдәм бәшмә “Ајәтул-Курси” бә толыши чымы есә кардә тәрҹумә:

            Бисмиллаһиррәманиррәһим! Де рәһмонә ијән рәһимә Хыдо номи! Хыдо ләнәт быбу бә шәјтони!

            Ни сывој Хыдо ҹо һич гылә Ҹонинә, Посибонә илаһи. Әв нә һанвә бәзне, нәәнки һан. Чич һестебу осмононәдә ијән зәминәдә, һәммәј Чәјин. Хыдо рај ныбыә, ки чики һәвари бәзне кәше Чәј һузурәдә? Әв зынејдә чәвон вәомәј ијән дәвардәј. Әвон Чәј зынәјон дыләдә әнҹәх әј фамејдән ки, Әв рәво зынејдә ыми. Чәј тахти етәнәше осмонон ијән зәмин. Чәј нише еһтијоҹ бәчәвон һәваркәшәти. Әв Барзе, Јоле!

            Иминә нәтиҹә: Әмә ростијән пијејдәмонебу бә дәрһәл бырәсы чәмә әдәби зывон, бәвәдә бәпе шәв-руж бынывыштәмон ыштә Инә зывонәдә! Әнҹәх жыго бә нав бәзнемон ше һәм әмә ыштән, һәмән чәмә зывон! Мәтарсән ыштә зывонәдә нывыштејку!

            Дыминә нәтиҹә: Чәмә толышон веј һәссосин бә ијәнды. Вејнә толышон бәнә дышменәти ғәбул кардејдән бәчәвон кардә кој аид вотә-нывыштә быә һар гылә тәнғыди, әлбәһол дәмандејдән бо “баррикадә” сохте, јәне бә ҹанг бешејдән дејәнды! Охо, әмә тәнғыд ныкомон ијәнды сәһвон, бәрмалә нывотомон ијәнды нырәсә ҹәһәтон, бәвәдә бә нав нибәшемон, зәвәријон бәкардемон ыштә мандә вырәдә! Һәлбәттә, де шәрти ки, тәнғыди жыго вотеј-нывыштеј лозиме ки, быдә әв ныгыны бә мыәллифи, хысусән ҹывонон хото!

            Чымон һәммәјсә јавә ко әве ки, веј толышон һестин ки, бә сијо-сипи нибәжәнен ыштә дасти, әмма хәтокоре гыләј толыш ки, гыләј хәјмандә ко быкә, әлбәһол “ведрә дәбәбәстен” бәј, мыз бәнон бәчәј кардә кој, һежо нохсан бәнәвен бә коәдә, һаканә лап тәһғир бәкарден әвони! Аз ыштән бы чандә сорон дыләдә веј вахте һәни пемужијәм бә жәго одәмон вотә-нывыштә гәпон! Әмма бо ҹывонә зоә ја кинә бәвон пемужијеј веј чәтине, гоне, бовә быкән бәмы! Бәпе әмә һәммәј, хысусән сининә толышон веј һоди быбәмон ыштә тәнғыди вотеәдә-нывыштеәдә! Мәһз оһилон, сипиришон бәпе руф быдән бәчәмә ҹывонон, тикәјән бә һәвәс бијән әвони! Әве, аз ијо и кәрән овардејдәм бәчәмә сининә толышон: Әмони руже, марыштән чәмә ҹывонон кәш-пәри!

            Чәмә хосә Билә “Лик-Ланкони” Фејсбукәдә ноә “Ајәтул-Курси” һәхәдә шә мызокиронку чымы бекардә ән воҹибә нәтиҹә мәһз ыме!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|