ЧЫМЫ FАРЗОН

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 23 голосов)
Изменить размер шрифта Decrease font Enlarge font
image

 
 
 
 

 

ЧЫМЫ  ҒАРЗОН

 

Јадулла Сајад

 

 

Чы  ғарзи дыләдә жидәм бы јашдә,

Зындәм ки, бомыно чәтине, зореј.

Һакәнә дылванди дојдәм ки, бәштә, -

Ын дынјо ыштәнән ғарзә  выжореј.

 

Бәс коме чы ғарзон сывыки, гони,

Аз дыштә сығ-тавзы кәше зындәним.

Лап ғыбон додәмән ыштә ын ҹони,

Чы ғарзон житоно беше зындәним.

 

Ғарзохом һәлә ки, аз бә Вәтәни,

Бәчәј ангулијән, бәчәј сығијән.

Ын ҹони һар вәдә ғыбон вотәним,

Аз бәчәј вылијән, чәғә теғијән.

 

Һежо дардым омә чы дарди сәпе,

Дыјо бә чәшондәм чан сорнәни ас.

Инә зывонијән рос быкәм бәпе,

Чанә ки, ғәләмым пеғәтә бә дас.

 

Ғарзохом һар вәдә бә дәдә-нәнә,

Ым ғарзи дој горош умрым әрәсни.

Аз әчәј гонику бывтомән чанә,

Зындәм ки, нодонон мыни дәрәснин.

 

Һар дыли һандејән, Валлаһ, ни һосон,

Бәдә руж бәмәно һәмро выжнедә.

Ғарзохом, ғарзохом бә чокә дусон,

Бевәҹи чымынән дыли дожнедә.

 

Бә дынјо бевәҹә одәмонән лап,

Ыштәным аз һежо ғарзохо зынә.

Кејнә ки, омедәм дәвон ғаппәғап,

Пидәме ох быбум бә чәвон синә.

 

Аз һәни, аз һәни ғарзохом бә ки?-

Пеғәте зындәним ын ғарзә шәлә.

Аз боштә ыштәни чичым кардә ки?-

Бәштә ыштәнијән ғарзохом һәлә!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|