Разделы
Архив
Пн | Вт | Ср | Чт | Пт | Сб | Вс | |
---|---|---|---|---|---|---|---|
1 | 2 | 3 | 4 | 5 | 6 | 7 | |
8 | 9 | 10 | 11 | 12 | 13 | 14 | |
15 | 16 | 17 | 18 | 19 | 20 | 21 | |
22 | 23 | 24 | 25 | 26 | 27 | 28 | |
29 | 30 |
Рассылка
Оцените содержание статьи?
УЖӘНӘН
Әли Насир
Дијә кардәм бәты аз, сутдәм, евәштәм, һа Толыш,
Ышты дардон ужәнән аз бочи кәштәм, һа Толыш ?!
Дәвардә канә ружон орзу бардәбуш мәвужи ?
Толыши јоддә бека гәп жәј, гардәбуш мәвужи ?
Сәдо кардәм, сәдо ни, зинә мардәбуш мәвужи ?
Дијә кардәм бәты аз, сутдәм, евәштәм, һа Толыш,
Ышты дардон ужәнән аз бочи кәштәм, һа Толыш ?!
Јасәдә Фатиһә вотдәш әрәби таппатарап,
Вәјәдә ҹыфтә жедәш, даскә кудәш шаппашарап,
Којәдә виндәним һич иврәдә чо-пенҹ кәси лап.
Дијә кардәм бәты аз, сутдәм, евәштәм, һа Толыш,
Ышты дардон ужәнән аз бочи кәштәм, һа Толыш ?!
Аз бәты пилтә дојдәм, тиҹкә чәху, санги бекә ?
Аз бәты вотдәм ағылманд быби, бој ванги бекә,
Вотдәм ыштән быби, чы сәјку ә кутанги бекә.
Мәвот һич гырд һәдәрә ыштәни кыштәм, һа Толыш,
Ышты дардон ужәнән аз бочи кәштәм, һа Толыш ?!
Чәнә пот-пот ты бәгардеш, чанәдә мотдә бәбеш ?
Чәнә аһ-налә бәкардеш, чанә пыт-пытдә бәбеш ?
Чәнә жинпоәдә бәмандеш, чанә һан-һытдә бәбеш ?
Зындәним һич бо ки ым шери нывыштәм, һа Толыш,
Ышты дардон ужәнән аз бочи кәштәм, һа Толыш ?!