ЗУ ЭВЫШКЫНИ hА ?!

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 42 голосов)
Изменить размер шрифта Decrease font Enlarge font
image

 
 

ЗУ ӘВЫШКЫНИ ҺА?!

Бәһмән Салеһ

            Зырноәжән Ашығәмаму де әғрәномә Мәдәли бә ро һәмро быәбин, һар кәс бәштә ко-руси шејдәбин. Гәп жәј-жәј омәјн рәсәјн бә чајхонә. Товсони сыфтәнә мангбе, тожә-тожә һәво бохор бејдәбе. Һәмрон бы ғәрор омәјн ки, быныштын искани чај пешомын. Бә чајхонә дәшеәдә әғрәном Мәдәли вотыше де шәсти:

            -Чајәпул чымыку!

            Ашығәмаму огарде бәј:

            -Зу әвышкыни!

            Әғрәном Мәдәли едјәсәј бәј, сырәј:

            -Дәвә сәјдәним, ғәты һыријејдәним, бә чајә пулијән зу нывышкиме, аз чы мердим?

            Ашығәмаму зевыләсырәј кардыше, вотыше:

            -Чок, бәвәдә шинә гәп чымыку!

            Дәшин бә чајхонә, сәлом-кәлом, һол-әһвол… Ныштин пенә сәдә. Ныштәкәсон виндышоне Ашығәмаму, кардышоне шој-шој. Әште пијәкәсон сәнибәтон ныштин, сифориш дошоне чај. Чајәдә Әтиш һәммәјсә ве шојбәсә бе бә Ашығәмаму оме. Ғандыше даст бә јолә чајдони, ноше тожә дәм, бекардыше тарашә исканон, пур кардыше де сукәдумә чај, де фәхри вардыше ноше Ашығәмаму вәдә, зывони жијәдә вотыше де шинәләвзи:

            -Хәш омәјш!

            Әғрәном Мәдәли вотыше ыштә дыләдә: -Чы Ашығи чанә һурмәт һестышебән ијо?! Ын одәмон жыго де мәрағи едјәсән бә Ашығи ки, жыбызын, Ашығ боәвон кино бәдо, ја тәмшо бәдо. Јәғын гәпыш мәрағин быәбе…

            Мәдәли бә Ашығи гуш дој-дој фик доше ки, пешомәше се искан чај. Егордынише искан. Ашығи чај думојәнды омәј: пенҹ, да, понзә, вист… Кәхоби зоә әнә чај бә коврә екардејдә?

            Мәдәли нәвәј бә Ашығи гырдо-кәно, едјәсәј бәчәј мијонгырон, дијә кардыше сару: һич вырә тар быәныбе. Дәјјуси рујәш бесијәбу? висты пенҹ, си… Әғрәном һут  бе манде. Кәноо жыго чијејдәбе ки, гуја әв дылитсыхто гыш дојдә бә Ашығи. Әмма ыштә дыләдә бә до-дымжонбе бәј: Гыләј астәј де пусти, дәјјус чанә чај пешомејдә, зә?! Чыл, пенҹо…  Әғрәном Мәдәли ибердәмә пебәј:

            -Зә, ышты дәдә јурди чо окышијо, вәсејәни, ты дыријәјшхо!

            Һәммәј де чәк-чәки сырәјн. Әғрәном Мәдәли ысәт дәрәсәј ки, ҹәмат һәммәј хәбәдојбән Ашығи шакәрику, бә тәлә егын һежо Мәдәлијбән. Әғрәноми пегордынише ыштә ҹифон, бекардыше чичыш һестышбе, доше, вите-вите беше чајхонәо, бә думошән дијә ныкардыше, ше.         

            Че чајхонә пенҹон шишон ларзејдәбин ҹәмати чәк-чәкику …

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|