ХОЛЫМ НИ !

ХОЛЫМ НИ!

Деғыж

Бәты ашығ бе һынәм ни, беты мандејро һолым ни,

Јәтимим, һәм сәғырим аз, һич дајнә шејро јолым ни!

Боғи бәзнен дечәј выли, холчә бәзнен дечәј гыли,

Чымы боғ виронә мандә, әтрәбу доә вылым ни!

Нә чымы сини ә вахт ни, нәән ки һестыме тәнхо,

Боты вәјәро вардеро, нә авшум, нәән шолым ни!

Одәми зуј бәбе зыне дечәј һардә рыски-рузи,

Чымы дыјо һышк гынијә, бо һарде сиписолым ни!

Беар әзыним бе охо, чокнә дәнгуләти быкәм?

Дынјо тәмшоје вотедән, ышты фәндинә ролым ни!

Ты бој кам ноз быкә бомы, зуртә мәкә сијо чәшон,

Бә нози дурум нибәвам, һәни навконә дылым ни!

Ја гыләј һа бывот бәмы, шо быкә јарәжә дыли,

Ја бәјжи дәканд мыни ты, чымы һәни әһволым ни!

Ҹывонәтим дәвардә шә, гыләј хырхә пијәмердим,

Деғыжим, чич бәзнем карде, бәшты хош омә холым ни!