ШО БЫКЭМ

ШО БЫКӘМ

Талеһ Мәфтун

Пегәтым думжәни, ымру бә руј тәрәф ро быкәм,

Тикәјән кулмә быгәтым, чанәдә аз ко быкәм?

Ә ру шыр-шыр бәка ҹо мыни чы фикри-ғәмику,

Фикым бәманде ијән дардику ыштә ҹо быкәм.

Әјо јодо бешедә ғарзи, кредит, ҹо бәло,

Дәкудә ғырмәғи кулмә, ру нығыл, боло быкәм.

Сиписол, боблә, чәпәғ, карп ја чәке, фәрғыш ни,

Солә баләән быбо, аз быгәтым, шојво быкәм.

Ежәне бә ғырмәғи мелы, вотедәм Бисмиллаһ,

Хыдо ыштән бросны, даст окәм, дыво быкәм.

Чы нерви, стреси, дарди дамоне руј кәно,

Ијо аз динҹи седәм, дарди ијо выло быкәм.

Талеһ Мәфтун, окырын, дәбијә бә ғырмәғи мој,

Товә бынә кијәсә, хыјзонијән аз шо быкәм!