ТАЛЕh МЭФТУН

 

ТАЛЕҺ МӘФТУН

 

Ҹәмал Ләләзоә 

Бә Т. Мәфтуни “Фәһләтику шикојәт” шери

 

 

Бочи ышты талеһ жыго нывыштә бе, Талеһ Мәфтун?

Думо шојво һежо дард-ғәм сәныштә бе, Талеһ Мәфтун?

 

Бәло пеш бе һәддон-сәддон, ру бе бә дашт, һәвиш јамән,

Рушинфикон дешты дардон дәныштә бе, Талеһ Мәфтун!

 

Сәше дасто че жимони тәм-ләзәти рәзәләтон,

Бә кул, бә пешт ҹифи пурон пеныштә бе, Талеһ Мәфтун!

 

Дастон, амон чы гир һесте, һәватә бе, биш кандулә,

Ғыввә бәни душә гоон едоштә бе, талеһ Мәфтун?

 

Тфу, тфу бы зәмонә, һәватә бе нәфси-иззәт,

Дылиожон, һәхпәрәстон пепуштә бе, Талеһ Мәфтун!

 

Гин бе һәни мәфтунәти, пеманде һар мәмнунәти,

Нәсиб-нуни мәҹнунәти, зыко ныште Талеһ Мәфтун!

 

Сығи жијәдә шыртә бе дыл, осыни пос ку карде чәш,

Отәшисә орзу-комон певаштә бе, Талеһ Мәфтун!

 

Боә бымарди чәши вәәдә пыә ҹон быдә вәши-тәши,

Дылсутәти һәни бә дә дәкыштә бе, Талеһ Мәфтун!

 

Нәведәбу авлод әгәм бо нуниро кәјбә-кәјбә,

Че Вәтәни савдо отәш окыштә бе, Талеһ Мәфтун!

 

Бызын ыштә ҹони ғәдри, и руж боме, бәвиндеш ки,

Че ҹәллодон сә-гуш һукман арыштә бе, Талеһ Мәфтун!