ЛАМПЭ

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 15 голосов)
Изменить размер шрифта Decrease font Enlarge font
image

ЛАМПӘ

Бәһмән Салеһ

            Әфрузә нәнә ыштә нәвә вығандејәдә бә мәктәб, жого нәсјәт дојдәбе бәј:

-Балә, Сәбарз, бәпе бә һәх бывәшо че одәми лампә, де һәроми не! Мәктәбәдә фик быдәјш быми. Миәллимон че һәхи лампән. Һәхи лампә бе омут чәвонку. Чокә фәрзәнд бе бәзнеш бәвәдә. Елм, мәрифәт, һәлоли, одәмәти омут, ымон һәхә рушнән бәмәно. Хыдо һәмро быбу деты, чымы балә!

            Сәбарзи пегәтыше ыштә дәфтәр-китоб, ғәләм-дәвот, дәноше бә пештәбо, гәтыше бә кул, дәро гыније бә мәктәб.

            Тәнәффусәдә дештә тај-тушон шин бә буфет. Вәли зоә Нәбилла едаштыше бә буфетәвони гыләј моғнә, сәше пичәник, һардыше де һәмрон, доше бә Сәбарзијән.  Чокә пичибе: һәмиш жә быәбе де ҹејронә шыти, патә быәбе. Веј ләзәтинбе, вејән шинбе. Чәј коғәзи сәпе нывыштә быәбе: 1935-нә сор, Мәсковә…

            Маштәнәј ижән Нәбилла вардыше гыләј моғнә, доше бә буфетәвони, сәше пичи, һардыше де һәмрон бә иҹо.

            Нәбилла де минволи һаруж моғнә әвәј, пичи әстәни, бахш әкәј де һәмрон. Охојәдә Сәбарз бә ғәрор омәј ки, әвән бијә моғнә, быдә бә буфетәвони, быстәно пичи, бәһә де һәмрон. Одәм бәпе то быбу дештә һәмрон

            Жәгоән кардыше: Вардыше моғнә, доше бә буфетәвони, сәше пичи, һардыше дештә тоон.

            Һәмонә ружи шанговәсәј Әфрузә нәнә лампә пекардејәдә, һич нијәдә чәкәј лампә шишә, ғујә бе емәј бә епо. Нәнә пенә рәфәо пегәтыше гыләјән шишә, ноше бә лампә сә, әвән чәкәј емәј. Әфрузә нәнә вотыше:

-Сәбарз, нәнә бәшты ғыбон, һәромә даст гынијә бәчәмә кәј. Әве чәкәј лампә шишә. Бывот, чичы кардә?

            Сәбарзи кардыше дод-әмон ки, даст жәшни бә һичи.

            Маштәнәј Сәбарзи дыздише дыглә моғнә, доше бә буфетәвони, сәше пичи, һардыше дештә һәмрон. Ыштобән, миәллим Сәбарзи бә чәшејбән, дәваште гәтыше чәј кәш, вотыше:

-Сәбарз, моғнә чы које?

            Сәбарз дәманде бо дујә гәп жәј:

-Нәсим миәллим, нәнә доше, вотыше, бәһватиш әј, нәһо бәһәјш…

            Шанговәсәј Әфрузә нәнә пијәше бывошно лампә, шишә ижән чәкәј һич нијәдә. Әфрузә нәнә хәбә сәше нәвәку:

-Ымружән һәромә ко гәтә, ја һәроми вардә бә кә, жәгој?

            Сәбарзи ижән пијејдәшбе бәһә ғәссәм, омәј че Нәсим миәллими сәдо:

-Әфрузә нәнә, омеј бәбе? Әссәлому әлејкум!

-Бәшты сә бәгардем, Нәсим балә, бој, бој, бынышт нимдорисә. Азән пекәм лампә. Ај әлејкәс-сәлом!

            Нәсим миәллим дәварде ныште, Әфрузә нәнә дәше бә шик-шик:

-Ды руже чәкејдән чәмә лампә шишон. Дәвинә кардәме, һәромә даст гынејәдә бәчәмә кә-бәј, бә зијон дәшејдәмон. Чич кардәше, Сәбарзи кардәше. Әнҹәх бә гиј гәтејдәни.

            Гәтыше ыштә дим бә Сәбарзи, дәманде бо шер пеғанде, ыштә нәвә де шери еһанде:

И кәдә ки һәх бә роје,

Чә кәј коән сәбәроје.

Һәромә даст һәлолә кәј

Бәсуте, әј вирон бәкај.

Һәроми јолә афәте,

Кәј сијо чыхо бәһыте.

Һәроми һыҹубәтәдә

Хәјән, бәрәкәтән шедә.

Бә һәроми даст ғандәкәс,

Де һәроми бәше әвән!

            Сәбарз бәрк сы быәбе, ак-ови дыләдәбе. Тарсејдәбе ки, миәллим обәкарде чәј сыри. Әве гәтыше бә гиј:

-Ды ружбе моғнә пегәтејдәбим, дојдәбим бә мәктәби буфет, сәјдәбим пичи, һардејдәбим дештә тоон. Ғәләт кардәме, һәни әкәним! Мәвотән бәчымы пыә. –Дәманде бо зо-зо бәме, ру бин чәј чәшә арсон, шин…

            Нәнән, Нәсим миәллимијән дошоне сыхан ки, онибәкарден ын сыри. Әфрузә нәнә вотыше:

-Тахсы гәтеј бә гиј, тобә кардеј – һәлоли бәварде. Ысә бәвиндејон, мандә иглә лампә шишә, нојдәм бә лампә сә, әчәкни әв!

            Жәгоән бе. Бы сәфә нычәкәј лампә шишә. Һәммәј һејрон мандин бын сыри…

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|