ХОСЕБЭН

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 15 голосов)
Изменить размер шрифта Decrease font Enlarge font
image


Ымруж чәмә толышә шаирон Сипириши, ҹәми Толыши Сипириши  
моәо быә руже.  77 соре ки, умр кардеjдә. Чы 77 сори һар гылә руж
гыләj гәнҹе бо Толыши, бочәj әдәбиjоти иjән мусиғи!  
Мыборәк быбу ышты 77 син, Вәлиша маму!

 

ХОСЕБӘН

ВӘЛИША

(сәри)

Вотдән ысәт, навнә зәмон хосебән,

Вәшти нышон, ноһәхон әлмосебән! 

Хәлхи воте пентоно ғанун әби,

Бын горошән һәммә кәсон нун әби.

Бәдә ружон пешт бә пешти сун әби,

Әј волокә чәш ку, ја чәп росебән,

Вотдән ысәт, навнә зәмон хосебән! 

Чокә ружон һәммә әкәј меһрибон,

Ышты сыпә де чымы кыты ҹон бә ҹон,

Бино әкәјн иморәтон, барзә кон,

Мәтләби ҹо, милләти чылтосебән,

Вотдән ысәт, навнә зәмон хосебән!

 

Мағә кагон моғнә әнен пожәсә,

Ид идисә, тожә әвој тожәсә,

Жен ја кинә винде нәби ожә сә,

Навнә зәмон намуси либосебән,

Вотдән ысәт, навнә зәмон хосебән! 

Мангә машон кардәни пур хырҹини,

Пул бәнә руј, ҹиф быә бәнә парҹини,

Илаһи, ты ыштән еғанд ержони,

Бәвдә доллар рубли тоно досебән,

Вотдән ысәт, навнә зәмон хосебән!

Дыглә зәмон миони сәдә ныштәкәс,

Талан быкә, мылкон ризи лыштәкәс,

Бызнән, әвин хәлхи вәши кыштәкәс,

Жого бызын, чәј дәдә меросебән,

Вотдән ысәт, навнә зәмон хосебән!

Кутлә сыпә луздә ысәт дәрведә,

Хәј ни һәни, руж ружисә шәр бедә,

Јол нывотә руки сыхан пәр бедә,

Пејғәмбәри вотә сыхан росебән,

Вотдән ысәт, навнә зәмон хосебән!


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|