Разделы
Архив
Пн | Вт | Ср | Чт | Пт | Сб | Вс | |
---|---|---|---|---|---|---|---|
1 | 2 | 3 | 4 | 5 | 6 | 7 | |
8 | 9 | 10 | 11 | 12 | 13 | 14 | |
15 | 16 | 17 | 18 | 19 | 20 | 21 | |
22 | 23 | 24 | 25 | 26 | 27 | 28 | |
29 | 30 |
Рассылка
Оцените содержание статьи?
Чәмә толышә шаир
Гулоғлан Тејмур бә рәһмәт шә.
Хыдо рәһмәт быкә әј!
*Гулоғлан Балоғлани зоә Тејмуров моәку быә 1952-нә сори рәјон Лики
ди Ныҹујәдә. 1974-нә сори орохнијәше бә М.Ф. Ахундови ном Урусә
зывони ијән әдәбијоти институт. “Өмрүн карван јоллары” номәдә шерә
китоби мыәллифе. Дештә хыјзони бә иҹо жимон кардејдәбе рәјон Масалони
ди Калиновкәдә. Ымруж шә бә рәһмәт. Чәј тәзијә дәвонијә бәбе Ныҹујәдә,
чумчыко дәфн кардә быә әјо. Пеш һафтоми ҹымә шәвон дәбәвонен Калиновкәдә.
Аллаһверди Бајрами
БОЈ БОШАМОН БӘЧӘМӘ КӘ
Чы хосә чәш, чокә бәве,
Чы чокә руж, покә шәве.
Чымы вотәј бәты әве:
Ын дыли веј хәроб мәкә,
Бој бошамон бәчәмә кә!
Ты Овшумиш, аз астовә,
Ты отәшиш, азән товә.
Кардедәм аз бәты ловә,
Вәсе, ты ын нози сәкә,
Бој бошамон бәчәмә кә!
Һа димәдә холнә кинә,
Мы бәтыным воте зинә:
Чәш кардедә тыни инә!
Дәростәше тәнәби, кә,
Бој бошамон бәчәмә кә!
Ты сыә вылиш, зизән рәсә,
Ын былбыли чакә бә сә.
Ымшанго не, маштәвәсә
Оләтоны гырдыкукә,
Бој бошамон бәчәмә кә!
Охо ыштән доәбе вәдә,
Дылым әнә тыптыпәдә.
Рәјрә мәши, гәдә-гәдә
Рост мәкә һај-ку, мәрәкә,
Бој бошамон бәчәмә кә!