Разделы
Архив
Пн | Вт | Ср | Чт | Пт | Сб | Вс | |
---|---|---|---|---|---|---|---|
1 | 2 | 3 | 4 | 5 | 6 | 7 | |
8 | 9 | 10 | 11 | 12 | 13 | 14 | |
15 | 16 | 17 | 18 | 19 | 20 | 21 | |
22 | 23 | 24 | 25 | 26 | 27 | 28 | |
29 | 30 |
Рассылка
Оцените содержание статьи?
ШӘВВОЛӘ МАНГИ ҺИЛАЛ, ТОЛЫШИ ҺИЛАЛ
Һа дынјо, бывинд толыши Һилали!
Ымруж че ҹәми дынјо мысылмонон јолә иде – Ружә ид! Дынјо һар вырәдә мысылмонон ымруж виндышоне Шәвволә манги һилал – Овшум. Ымруж ҹәми мысылмонон мандән бә Идә нымож – Ружә иди нымож. Мыборәк быбу ын Ид бо ә кәсон ки, де ихласи ијән софә дыли нымож вотејдән бо Хыдо!
Әмма, һа чымы азизә бывон ијән һовон, јодо бемәкән ки, бы дынјоәдә чәмә толышон гыләј ҹо Һилалшонән һесте! Әв гыләј Һилале ки, мәхсусе иглә бәчәмә толышон не, бә һәмә дынјо озодпәрвәрә инсонон! Ым ә Һилале ки, чандә мангонин зиндонәдәј...
Ымруж маштә-маштә әштим, бәнем дылым тел-тели жәјдә. Гыләј зыздә һаным винде. Виндыме ки, ҹәмат һәммәј мәчитәдә мандә бә Иди нымож. Пешнымож жыго вотејдәбе бә толышә хәлғи: “Һа чымы толышә хәлға! “Хыдо рәһмәт быкә бә доктор Һилал Мәммәдови руфи!” бывотән! Хыдо нишо ныдә, бәдә хәбә омә ки, гуја зиндонәдә шәһид кардәшоне чәмә хәлғи азизә зоә Һилал Мәммәдов”!..
Аз бә чәшбим ки, пишнымож ешу минбәро. Әв ки еше омәј, парсәјм чәјку: Һәғиғәтән росте ын хәбә? Ки вардәше ын бәдә хәбә?
Вотыше ки, дәғиғәј бәбе ки, зангышон карде Озорбојҹони республикәо, вотышоне, һәғиғәтән жыгоје!
Һич пијејдәмныбе бовә быкәм бы хәбә!
Пијејдәмбе ки, пебум һано, ыштән јәғын быкәм чы хәбә рост ја сәһв бе. Әвон дијә кардејдәбин бә ијәнды, бәмы вотејдәбин ки, “ты һытәниш, ым – һәғиғәте”! Кам мандәбе ыштәнән бовә быкәм ки, һытәним, чич мәсејдәм ја виндејдәм, һәммәј һәғиғәтин! Ныштим јонго димисә, гәтыме ыштә сә.
Одәмон думо омејдәбе бә мәчит. Һәмәкәс чы фаҹиә барәдә бә гәпбе. Дынјо зылмот бе чымы чәшонәдә!
Һежо бы вырәдә гыләј Һилали хото веј пијә толышә зоә омәј беше. Чәј чәшон пандәмәбин бәмеку! Әј вотыше: Есә марзи бә тәрәфәдә де Һилали авлодон бә иврәбим. Әвон хәбә дошоне ки, шык бә Хыдо, Һилал сәғ-мәломәте, ә номердон һәмон хәбәшон песохтә ки, бы азизә идә ружәдә доғ быжәнын бә толышон дыли!..
...Бы мәғомәдә пеларзәјм, әштим һытә вырәо. Ыштән-бәштә фикирым карде ки, мадәм дәвардә шәви мысылмонон һәммәј бә Һилали – Овшуми тәмшо мандән, шык бә Хыдо, чәмә Һилалијән зиндонәдә ружыш кардә ыштә шәв!..
Ружә идон мыборәк быбу, чәмә азизә толышә хәлғ!
Ружә иды мыборәк быбу, ҹон чәмә Һилал! Хыдо окә зиндони бәј, беши бә озоди!
Һа дынјо, бывинд толыши Һилали!
Армин Фәриди
19 август 2012-нә сор
Добавить коментарий
Комментарии (6 добавлено)
-
Опубликовано akif, 26 Авуст, 2012 13:13:42hilol tolishi doun vishon hama dova kardon bashti gorogh! sagh bibi yola mird
-
Опубликовано parsa ahmadzade , 23 Авуст, 2012 21:44:15Armina boli! imi bizin ki agam Hilali sa ku igila mu kam bibo, boko virto valo bakamon ama tolishon. Aliyev sipa zoa deshta margi hanak karday gasbo!
-
Опубликовано jimun, 22 Авуст, 2012 21:07:22beji tolish. hilol ,faxradin ali akram chama milati ghahramonin .chama bobakin chama hazinn chavun mirdiyati ba tarix sobet ba .bei chama vatani yola mirdon .
-
Опубликовано yaser karamzade , 21 Авуст, 2012 21:19:59ve saq bibanan aziza boyliyon. Armini ku ve tashakkur kardam in nivishta sixani gorosh. de haxi umiy ama ivrada nohaxi raqi bakandemon iyan nohaxi mahv bakamon.
-
Опубликовано bji boli, 21 Авуст, 2012 21:19:59bji tolishistoon chama milat basane ishta haxi bavindiyun. chama hilala biva salomat bibo hamisha .hiloli vira chi zindoni ko har vira ko amne chon hamay dinyo diya kardida . aga ba hiloli azyat bikan ishtan ra zhidan. hich kas tolish milat akish ni. ama mirdimun bandimun.... az tolishim vag akish....