БИЛЭ, МЕХ БЭ ЗЭМИН ЕШЕJДЭ?!

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 12 голосов)
Изменить размер шрифта Decrease font Enlarge font
image

 

Ф.Ф. Әбосзодә

БИЛӘ, МЕХ БӘ ЗӘМИН ЕШЕЈДӘ?!

         Хыдо рәһмәт быкә Ҹаваншир Салајеви, дештә чандә шерон, дештә јолә, мердә, мәрдә шәхсијәти ижән ым иглә кәломи манде ҹәми толышон јодәдә: Мех бә зәмин ешдәни!

         Чич бәкәј ә фәғырә мерд? Чандә соронбин бә сәдобе толышон ки, һич ныбо и кәрә бәштон сәпо, дәвинә быкән ки, жычиј омејдә чәвон дасто ја не? Һежо дамә бин аһу-зоршон карде, бәмә-шивәншон карде, гијәгордыншон карде ки, “чәмә дасто чич омејдә?”, “де һукмәти һукмәтәти карде әбыни”, чыбызным, һәни чичоншон воте. Һежо дамә бин, вотен мех бә зәмин ешдәни ки ешдәни! Әли Насири вотәјнә, “јурдомардәј зоә”, ты кејнә ә мехы бә зәмин жәј ки, бызни, әв ешејдә бә зәмини ја не?!

         Шык бә Хыдо, зәмонә дәгиш быә һәни! Есә кам-кам толыш пәјдо бәбе ки, аһу-зор быкә! Есә веј толышон чок-чоки сәрәсән ки, де ныште, аһу-зор карде һичи карде әбыни! Чәмә јолон чокышон вотә ки, “әштә него һежо сыл бәка ныштә него сәпе”! Бәс чиче? Һәлбәттә, бәка! Бәпе тынән и кәрә бәшти сәпо ки, бәвәдә бызни сәпо әштәкәси һол чокнә бејдә? Чанә ым хәлғ кәшәбынәдә бәбе, бәныште?!

         ... Һич гылә номерд орзувони әбәни, розијән нибәбе ки, чичисә балә егыны бә зиндон! Интаси ымән һесте ки, бәчәмә сә омә коон бәпе кејнәсә дәрс быбун бочәмә хәлғи һәммәј!

         Нәвузәлишон дәғанде бә зиндон, толышон вејни ныштин бо аһу-зор карде! Хыдо рәһмәт быкә әјән, чәј шинә-шәкә зоонән! Чәј јолә зоә матәмәдә ныштимон Арчонәдә, һежо аһу-зорымон мәсәј: ај һәрәкәт быкән, ај бынывыштән, шикат быкән, ловә быкән ... Вотем, ај чымы азизон, ај сипиришә-сијоришә мердон, ај арчоныжон! Донзә һәзо одәм жијејдә бы дијәдә. Әмәнән де Шаири (Әли Насири) омәмон ијомон. Гырдә быкән диј ҹәмати, бошамон пебырнәмон почтә рој. Шымә һичи мәкән, пемандән әјо, мандә коон һәммәј әмә бәкамон! Де аһу-зори һички озод әкәни Нәвузәли! Бәштәмон, бывотәмон ыштә сыхани, бәвәдә ҹәвоб бәдон бәмә! Бәкомон ыми, Нәвузәли бебәкамон, нибәкамон, бәвәдә, Хыдо ныкардә бәчәј сә гыләј ко бо зиндонәдә, чәј бәбол мандејдә шымә гијәдә! (Һәнијән веј чијоным воте бәвон, һәјф ки, әвони ијо воте әбыни...) 

         Чич бе чә аһу-зорон охој, бәмә мәлуме. Гыләј хыјзон битов мәһв бе...

         Есән жәго. Гыләј пикетымон дәвоније де Хыдо комәги, хәјли одәми дастыш кәшәј аһу-зорику! Быми сыбутән ымружнә пикет бе! Дәвардә пикетәдә һукмәти одәмон анән нороһат ныбин. Бы пикетәдә бәнен толышон һәни бә ҹигә омән. Сәдо кардышоне әмә, бә зывон гәтышоне, вотышоне ки, “шымә дәвардә пикети барәдә мәлумотымон доә бә Боку, иншалла, һарчи чок бәбе! Еһтијоҹ ныбе бо ын пикети дәвоније...”. Вотем бочи? Чич бывотон чоке? “Озорбојҹони довләт рысво бејдә”! Вотем, вај нәнә, ҹәмати балон һич нијәдә бә зиндон дәғанде, әвони әјо пыховније, мәвотбән, рысвојәти вардејдәнијбән бо Озорбојҹони довләти, әмма бә һукмәти жыго ноһәхә һәрәкәтон етироз карде әвон “рысво зынејдән” боштә. Чәвон сәфарәти вә бәнә мужонә лонә пегылејдәбе! Быдә пегылы. Быдә әвон бывотын ыштә сыхани. Интаси әмә бәчәвон сыхани, ловә-мыннәти гуш доәкәс нимон ки?

         Чич бе ымружнә пикети ән јолә нәтиҹә? Толышон бәпе икәрәмәдә сәрәсын ки, де “киш-киши һырси һијо бекарде бејдәни”. Сәрәсын ки, ым һукмәт дышмене де толыши! Бә дышменијән ловә карде ехроҹәти вардејдә һәм бо овардәкәси, һәмән бочәмә ҹәми хәлғи! Дышмени тарс зујәдәј! Һичкијән быдә фикир ныкә ки, гирәм әв бә пикет бо, баһан әј! Ныштәкәси һардејдән, бәле! Сәпо быәкәси һарде һар зоә һынә ни! Әве, жыго һисоб быкән ки, ымружнә пикет чәмә толышон жә иминә мехбе ки, һәғиғәтән еше бә зәмини! Ыштән чок зынејдәшон, иминә мех ешебу бә зәмини, чәј думо һостон бәбе иншалла!  

         Әве, әмә чич кардәнинимон? Чәмә ро иглә ыме, ај чымы хосә толышон! Әмә сәпо быәнинимон жыго ружәдә! Сәпо быбәмон, тәләб быкәмон ыштә һәхи, зу нишо быдәмон ки, быдә һички и кәрән зәб нығанды бә толышон!

         Ымружнә пикетәдә быә ҹывонә толышә балон виндеәдә одәми дыл обејдәбе! Хыдованди, жыго тәдбиронымон анә бәбен ки, нәинки Һилал бебәше зиндоно, анә бәбен ки, иншалла Толыш озод бәбе! Бәвәдә, Хыдованди, аз обәвардем бә ҹәми толышә мердон, толышә ҹывонә зоон, бәвотем бәвон: Чымы билон, чымы бојлијон, һәлә есә гыләј дәвинә быкән, бунән мех ешејдә бә зәмин ја не? Аз гырд әминим ки, ымружнә пикети бәпештә һәни кам толыш бәвоте ки, “мех бә зәмин ешдәни”! Мәрһум Ҹаваншир миәллими руфән бә дынјоәдә шо бәбе ки, шык бә Хыдо, һәни толыши мех бә зәмин ешејдә! Хыдо рәһмәт быкә бә Ҹаваншир Салајеви! Хыдо окә Һилали роон!

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (1 добавлено)

  • Опубликовано Кобоз Хан, 14 Июль, 2012 00:57:12
    Хыдо тыни хыванди быко Фахраддин Абосзода! "Толыши мех бэ замин ебаше, иншалла".

Главные новости

|