Разделы
Архив
Пн | Вт | Ср | Чт | Пт | Сб | Вс | |
---|---|---|---|---|---|---|---|
1 | 2 | 3 | 4 | 5 | 6 | 7 | |
8 | 9 | 10 | 11 | 12 | 13 | 14 | |
15 | 16 | 17 | 18 | 19 | 20 | 21 | |
22 | 23 | 24 | 25 | 26 | 27 | 28 | |
29 | 30 |
Рассылка
Оцените содержание статьи?
ЗӘ, СЫПӘЗОӘ ӘҒЫЛ, ТЫ ЫШТӘ ГӘВИ ӘЈО ОЖ ӘКӘЈМӘНИ....
Мәдоәдә Әлфәзә маму номәдә гыләј мерд пезышкәти (дохтурәти) әкәјбән. Ружи чы ружон гыләј Дырјоныж ыштә әғыли вардејдә чәј тоно. Сәлом-кәломи бәпештә Әлфәзә маму вотејдә:
-Хәј быбу, бочи омәшон?
Ә мерд огардејдә вотејдә:
-Чы әғыли ханәзил корығ дојдә бәј, әве вардәме шымә и кәрә дијәкән.
Әлфәзә маму вотејдә:
-Һа балә, һәлә окә ыштә гәви.
Ым әғыл тарсику ловнејдәни ки, ловнејдәни ыштә лыбутон. Һәни ымон чы иллоф кардејдән, ҹым дојдәни ым әғыл. Ым дырјоныж ку-пәшимон пегәтејдә ыштә әғыли огардејдә бә думо. Әлғәрәз, ројсә ныштејдән ки, тикәј ыштә сысти быстәнын. Ныштә вырәдә ым мерд огардејдә вотејдә бә әғыли:
- Балә, һәлә окә боштә пыә ыштә гәви. Әғылән рәјрә бәнә лафтори ож кардејдә ыштә гәви. Мерд ыштә дастә ләво егәтејдә бә әғыли гәв, де рыки вотејдә:
-Зә, сыпә зоә, ты ыштә ын мерысә гәви әјо ож әкәјмәни...
Мәдоәдә Вәзирә маму номәдә гыләј веј мәзәнгулә мерд һесте. Ружи чы ружон диј ҹывонон парсејдән чәјку:
-Вәзирә маму, шукур бә Хыдо, ысәт чоке ышты әғылон вәзјәт, ты бочи шејдәниш бә һоҹ?
Вәзирә маму огардејдә вотејдә бә хонәхо:
-Балә , аз бочи шедәм ки бә һоҹ? Чымы һамсијәдә бә дылә дәној хандәх-фылоным ни...