Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
ЧЫМЫ УМРИ НЫШОНОН
Илһом пәрим се кәрә
Чымы руфи меһмон быә.
Бедәмонә, бечорә
Дәжә дыли дамон быә.
Сутыше мы иминә –
Меһиббәти тәвәнә.
Ә ружоныш дәвонә
Киj ки фамә, ҹывон быә.
Ғәләм манде бә хыjә,
Пеһандыше ғафиjә.
Бымәс воте: -Ым быjә
Чы тиликә зывон быә?
Товнише мы дыминә –
Нифрәти биjә согнә:
Ноһәх мандә бә бынә,
Һәх батили ғыбон быә.
Һәхым воте, вәтшоне,
Кошон бырjе, гәтшоне.
Сыре-сыре вотшоне:
-Һәхи вырә зиндон быә.
Вошнише мы семинә –
Ғырjәти вәшә рушнә.
Дәтывә бәмы кәjнә,
Синәм бәjо мәjдон быә.
"Сәвет" выло бе, ныште,
Мәзлумон зывон ваште.
Мыстәғил беjо әште,
Мәвжи Охонзәмон быә.
И әсрәдә се кәрә
Толыш пебә бә бурә.
Һәх рәсәни бә вырә:
Әнә зәһмәт тирон быә.
Һа жығо илһом пәри
Вошнише мы де зори.
Хәлғи бәмә шаири
Һежо гонә жимон быә.
Меһиббәти тәвәнә,
Нифрәти биjә согнә,
Ғырjәти вәшә рушнә,
Чымы умри нышон быә!