Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | 5 | 6 | 7 | |
| 8 | 9 | 10 | 11 | 12 | 13 | 14 | |
| 15 | 16 | 17 | 18 | 19 | 20 | 21 | |
| 22 | 23 | 24 | 25 | 26 | 27 | 28 | |
| 29 | 30 | ||||||
Рассылка
Подписаться на рассылку:
Оцените содержание статьи?
(всего 24 голосов)
Изменить размер шрифта
ЧӘШОНЫ РУШИН, ТОЛЫШ!
…Веj зоон дечәj шерон әштән сәпо, веj толышон чәшон обән дечәj шерон, виндәшоне ыштә хәлғ, чәj виjәвонә руж, чәj шерон һанде-һанде бә пе кардәшоне ыштә почон, дәмандән бә ҹанг Толыши роәдә.
…Веj шерәһандон жыго фикирәдән ки, әв лирикә шаире. Гыләj тәрәфо едjәсеәдә һәхәдән әвон. Чумчыко сәjкубәпо лирикәj әв ыштәнән, чәj жә гәпонән, нывыштә шеронән. Интаси виндеjро чәш лозиме, һыкмәт лозиме бә шеронәдә быә фәлсәфә, чә фәлсәфә молjәтәдә быә инғылобиjә руфи! Әсәди Фикрәти – шери jолә сәррофи вотәjнә, әв иглә шаире Толышәдә ки, һич нише иглән бемәноә мисро jаанки беjт! Чы сыханон бәпештә ижән, ижән һанде лозиме чәj шерон ки, һич ныбо камиши сәрәси әj, чәj мәнтығи!
…Әзыним воте, чәj дышмен веjе jаанки рәғиб. Интаси ымән һесте ки, дустән, рәғибән еjни сәвиjәдә бә гиj гәтеjдән чәj даһиjәти, jолә шаирбе иjән чәj ростәвожәти. Де тифангиjән пемандош чәj сәjку, сыхани рости бәвоте бә одәми чәши дылә! Бәчәj ҹәббә диjә кардәкәс бәвоте, чыконҹобу бы гәдә мердәдә әнә зу, әнә ҹигә? Һич кәс әзыни воте ки, конҹосә шат кардәше хырҹини сә, һәватәше һәх бә ноһәхи. Һички әзыни воте ки, конҹосә һәромә тикә гыниjә бәчәj jаанки бәчәj әғлон гәви. Һички бә зывон варде әзыни ки, кеjнәсә рышвә пегәтәше чикикусә. Һич жыбызын, чы зәмонә одәм ни золыми балә!
…Ружи һузурә вырәдәбимон Бәдәлонәдә. Гыләj ҹывони бә нимә һандыше Jасин. Нимә бәпештә оһилә мәло омәj бә ҹуш, де гыләj авази һандыше Jасин ки, һәммәj һут бимон мандимон! Мәҹлис сә бе, дәро гынимон. Машинәдә се кәсбимон. Тосә диj дәшәҹо беныше чәj сәдо. Даст-почә бимон ки, мәвужи жычиj бе бәj, ше чәмә дасто. Диj дәшәҹоәдә ибердәмә пеларзәj, омәj бәшмә, вотыше: -“Бәстәнигори” сәпе һандыше золыми зоә Jасин! Гәзори ныбе ым. Чумчыко де муғами жи гәтәше әj. Муғаме әj огәтәкәс, әрузе чәj зу, тар чәj ростә кәше, кәмонән – чәпә даст. Сазән чәj зывони әзбәре. Деәj нышт-әjшт кардәкәси быбоше чымонку хәбә, ҹо чий хәбә әстәнни чәjку, бәвоте, һежо муғамику, әрузику сыхан быкә! Бә диjәроәтиҹо нәзәр сәғандәкәси жыго боме ки, чәj һар кардә ко гыләj Муғаме! Диj миjонәдә чәj ежәнә мәчит бәгәм жыго гыләj абидә ни ки? Һәни бәсә бымисә jолә абидә? Бәj вотеәдә ки, бочи шер нывыштеjдәниш һәни, вотеjдә, шер һежо әв ни ки, овоштынеjдәш бә коғәзи! Бәгәм шер ни ын мәчит?
Ком даһиjон виндәоне ки, һар хосjәтыш быбу ғаjдәдә? Даһи нәби ки, ә одәм, гирәм чок бәбәj һар хосjәтыш! Әвән жыгоj: теле, ағуjе чәj зывон! Жыго бәтыкне, һич му бенибәше һәмонә вырәо! Зоәм бәпиjе ки, тов биjә бәчәj тәнғыди! Ваj бә шаири һоли ки, jавә бәгыне бәчәj чәши! Выртивыло бәкарде әj! Бы чандә сорон дыләдә аз виндәме ҹәми и кәс ки, һоди беjдә әв деәj һәмсыхан беәдә. Ә одәмән Хилгәте!
Вәлишаjе чәj ном! Чәмә толышә шаирон Сипириш, ҹәми Толыши Сипириш! Ымруж чәj моәо быә руже. 71 соре ки, умр кардеjдә. Чы 71 сори һар гылә руж гыләj гәнҹе бо Толыши, бочәj әдәбиjоти иjән мусиғи!
Мыборәк быбу ышты 71 син, Вәлиша маму! Чәшоны рушин быбу, Толыш! Чәшонышон рушин быбун чәмә шаирон һәммәj! Чанә Вәлиша һесте, Толышән һесте, чәj әдәбиjотән һесте, мусиғиjән һесте!
Добавить коментарий
Комментарии (1 добавлено)
-
Опубликовано Холмилинский, 11 Март, 2010 10:58:00Табрик кардам Шымани, Валиша маму! Хыдо ба Шыма омур быда! Са сор быжианан, hич сыс ныбаjон нывыштеку!
Политика и экономика
Интервью / Заявление
