"Воскресное чтиво" на Толышпрессе: АХ… ЧЭМЭ МИЛЛЭТ…

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 16 голосов)
Изменить размер шрифта Decrease font Enlarge font
image

 

 

АХ… ЧӘМӘ МИЛЛӘТ…

 

Хыдо тыни рәһмәт быкә,  Сабир!
 

Ах, чәмә милләт чы хосә милләте,
Кол вотедәш, кол ни, рәсә милләте.

Ҹо милләтон пешты-палу тырнедә,
Вәдә мандә нышхоронән кырнедә.
Ыштәнијон нәфәси лап бырнедә,
Ғырјәт-фылон нызнә, бозә милләте!

Хывандыш ни, әвән ҹури сәғыре,
Ве вахтику әчәј ғәзән пәхыре.
Чан са соре ғаппозбәсә фәғыре,
Шир вотедән, шир ни, пәсә милләте.

Толыши не, бә тырки әв гәп жедә,
Ыштә рәғи, ыштә ришә рытедә.
Ләјлә быжән һар ҹурә бәј, һытедә,
Тәм ныгәтә, Валлаһ, сесә милләте.

Ыштә кинон суте-суте һаштедә,
Ҹо милләтон кинон тоно ваштедә.
Нина, Мина вардә ијо каштедә,
Вотдән Гыли, Фатмә, Нозә милләте?

Бәштә зывон гәзет-фылон әстәни,
“Араз”әдә доә шерон мәсдәни.
Лол быбум аз, бәлкәм тикәјш рәсдәни,
Ҹо зывонон бәка пусә, милләте.

Чајхонәдә шири-пәләнг бејдәмон,
Чан мәһоли бә ијәнды жәјдәмон.
Фик ныкардә рәјрә бә дәм шејдәмон,
Милләтымон сыханмәсә милләте.

Сыханәдә веј ко әмәл кардәмон,
Осмонәдә лап астовә вардәмон.
Танг беәдә чы һәхику гардәмон,
Һәммә зындән: Толыш-лесә милләте.

Ҹо дастондә бејдә ғәмә, бејдә вез,
Фәрғ нојдәни, быбу дышмен, быбу нез.
Һәватдә бә иглә гылә “маладес”…
Бә ҹо һәвон һандә, восә милләте.

И мандәни бы тон-бә тон фырседә,
Серә кули шыррәкујән тарседә.
Бо витеро дыглә лынгән ғарз седә,
Сојбыш нохәш, ыштән бесә милләте.

Чич бывотош, бы милләти дамедә,
Ыштә сәј гордынејдә, чамедә.
Чы Бобоки нәвон бәкам фамедә,
Ијо-әјо, есә-есә милләте!

 

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|