Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | |||||||
| 2 | 3 | 4 | 5 | 6 | 7 | 8 | |
| 9 | 10 | 11 | 12 | 13 | 14 | 15 | |
| 16 | 17 | 18 | 19 | 20 | 21 | 22 | |
| 23 | 24 | 25 | 26 | 27 | 28 | 29 | |
| 30 | |||||||
Рассылка
Оцените содержание статьи?
ТЕЛФОНДӘ ҒӘРИБЕ ЧЕ ӘЛИ НУМРӘ
Бәхтијар Рушин
Әлим бә јод дәној, јароным хәве,
Дылым һәни пош бе, ҹигәрым тәве!
Әчәј нумрә ымруж бә чәш пехәве...
Зангым карде...Һәмушбе әчәј вырә!
Телфондә ғәрибе че Әли нумрә!
Ышты шејку милләт јәтиме, Әли!
Чы гонә сәфәбе ым сәфә, Боли!
Бочи ты огәте әмәни ҹоли?-
Боты пәши гәтә һар ҹурә зумрә!
Телфондә ғәрибе че Әли нумрә!
Аз һәни әшеним беты бә “Eржoн”,
Чумки, әнҹәх әшим деты бə “Eржoн”!
Кәш ки, огардәјбәм ижән бә ружон;
Aрсоным димәдә һич нәби шурә!
Телфондә ғәрибе че Әли нумрә!
Аз дәшим де дынјо бә гәвә тасбо:
“Әмә пијодәмон, тынәнки аспо!
Əли сәј чәмәку... зәмин бытасбо?”
Осмондә бәрк оме че авон гурә!..
Телфондә ғәрибе че Әли нумрә!
Һар кәси бахшә дој, бәмә чич варде?
Чичы бахшы карде, ижән ты һарде!
Әли дој ты бәмә, әвән ты барде!
Ах, Дынјо, ым чиче- рышхәндә сырә?..
Телфондә ғәрибе че Әли нумрә!
Бәмедә ғәбисә мыхәкә вылон,
Зындәним, баһанден әјо былбылон?
Шилво зәминәдә әтрә сынбылон
Ижән бебәшенбу... әлвон, чан ҹурә?..
Телфондә ғәрибе че Әли нумрә!
Комментарии (0 добавлено)
Политика и экономика
Интервью / Заявление
