Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
ВӘТӘН ВАЈ !
Деғыж
Дод-әмоне, Вәтән вај!
Фәрзәндоныш һытән, вај!
Һа Толыши фәрзәндон,
Мердә зоон, һәм кинон,
Чәшон окән, дијәкән:
Бә кон руж мандә Вәтән?!
Вејнә мердон витән, вај!
Дод-әмоне, Вәтән вај!
Фәрзәндоныш һытән, вај!
Чәмә ризи кандедән,
Чәмә рузи бырнедән.
Дәвиләмон, сәргәрдон,
Вәтәни гин кардәмон.
Вәјштә бағон сутән, вај!
Дод-әмоне, Вәтән вај!
Фәрзәндоныш һытән, вај!
Рујон овон окырјән,
Каспи марзон дәкырјән.
Бевишә мандә Һыркон,
Бәмедә бәј Сәвәлон.
Дәон ысә һитән, вај!
Дод-әмоне, Вәтән вај!
Фәрзәндоныш һытән, вај!
Кашты-гыл кардәкәс ни,
Зәмини шум жәкәс ни?!
Мол-мәлә огәтдәнин,
Бә сесәкә һәсрәтин.
Гинбән һишон, котән , вај!
Дод-әмоне, Вәтән вај!
Фәрзәндоныш һытән, вај!
Һестин чандә толышон,
Сыраф кардедән лузон.
Ыштә хәлғи, милләти
Гәрдәни кәшедәнин.
Ыштә лузи нокән, вај!
Дод-әмоне, Вәтән вај!
Фәрзәндоныш һытән, вај!
Нә јол, нә рук мандәни,
Абур-һәјо ни бә, ни!
Имон дасто шә һәни,
Хыдо зындән шәјтони.
Бәнә хугәпотән , вај!
Дод-әмоне, Вәтән вај!
Фәрзәндоныш һытән, вај!
Һәзо-һәзо толышон
Дасто шедән бо тыркон.
Бәчәвон јали хото
Һозын хәлғи бәһватын.
Бәнә нәмә ватән, вај!
Дод-әмоне, Вәтән вај!
Фәрзәндоныш һытән, вај!
Тырки жипој лыштедән,
Ыштәни бәј кыштедән.
Боштә хәлғи ғәнимин,
Боәј тәлә рыштедән.
Тыркон бәвон титән, вај!
Дод-әмоне, Вәтән вај!
Фәрзәндоныш һытән, вај!
Јалтәғәти кардедән,
Идәбахшә бардедән.
Бојәнды кыште һозын,
Тыркон вәдә һардедән.
Лап һәмоми фитән, вај!
Дод-әмоне, Вәтән вај!
Фәрзәндоныш һытән, вај!
Дуст мәзынән шәјтонон,
Һәромзодон, чоғолон.
Бовә мәкән бәвон һич,
Пучә визин, һичин-һич.
Һукмәти коәдән, вај!
Дод-әмоне, Вәтән вај!
Фәрзәндоныш һытән, вај!
Дышмени кәј бығандән,
Бәчәј дыл тарс дәғандән.
Ечыријән чәј сәпе,
Сәрзәмино беғандән.
Чәвон јурди педән, вај!
Дод-әмоне, Вәтән вај!
Фәрзәндоныш һытән, вај!
Чәш мәкән Ғыјомәти,
Озод быкән милләти.
Бычаштәмон бә иҹо
Озод жије ләззәти.
Зылми сығи шодән, вај!
Дод-әмоне, Вәтән вај!
Фәрзәндоныш һытән, вај!
Һано әште вахте, вахт,
Озоди ҹанг сахте, сахт.
Һәләбәсә ко ни әв,
Һар мерди сәнәт ни әв.
Фырсәти фот мәдән, вај!
Дод-әмоне, Вәтән вај!
Фәрзәндоныш һытән, вај!
Чәмә мәғсәд – озоди,
Чәмә һәхе озоди!
Бо ҹанги быбән тади,
Озод бәбемон рә-ди.
Чы тыркон сәј вадән, вај!
Дод-әмоне, Вәтән вај!
Фәрзәндоныш һытән, вај!
Деғыж чокнә тов бијә ?
Дарди дылыш токнијә!
Ванг кардедәм шымәни,
Перохнәмон ыштәни.
Мыни бә сә чадән вај!
Дод-әмоне, Вәтән вај!
Фәрзәндоныш һытән, вај!
Добавить коментарий
Комментарии (1 добавлено)
-
Опубликовано Rais Hamidi, 15 Декабрь, 2018 22:24:47До недавного времени я не знал, что глубокоуважаемый Фахраддин миаллим пишет стихи. Дай бог ему здоровья.