Fырjэтмандэ мерд

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 189 голосов)
Изменить размер шрифта Decrease font Enlarge font
image

 

Ғырјәтмандә мерд

Баләддин Вешо

 

***

Дынјо димәдә

Жы инсон бедә,

Чәј ҹон вәтәне,

Хәлғ бәјо шәне.

Жәләвон сәбарз,

Жимоно бе тарс,

Бә гыләј номдо,

Чәмә мәһоло.

Тәби ерәсә,

Пидәме ысә,

Чәјку бо шымә,

Сыханкәм һәммә.

***

Бәсарәтыш ож,

Попоки дивож,

Кардәбе бәјон:

Бесојбе зәмон!

Вәшдәбе дыло,

Чәмә мәһоло

Виндәбе һәх ни,

Толыши хәлғи

По быни кандә

Дастәј шәрмандә.

***

Шәри жә тиши

Һар ҹо Толыши

Номи моледән,

Бе һәх ноледән.

Ошко бә рости

Ым хәлғи һести

Бә һәшә жәјдән,

Лап дивинә бән.

Авестә һони

Бә ым зывони

Нојдән бә нысо,

Бекардын јодо.

Бә бајси нәһләт,

Виндәбе милләт

Жидә бә тәрси,

Шедә бә фырси.

***

Јодо шә зывон,

Ни гыләј ҹывон

Ки быжәно гәп,

Ни китоб, мәктәб,

Нә миәллим һест,

Нә ҹо тәлим һест.

Милләт бә ку, кор,

Нә ни телвизор,

Нә ни ружномә,

Бастә бә һәммә,

Шедә бә турмә

Ки ванг бекардә.

***

Ружи ерыже,

Дастбәдаст доже

Милләти зоон,

Ҹигәјнә боон

Бон бә хәлғи дод,

Быбәмон озод!

***

Дастәј монголи

Диән екарде,

Бәнәј бә ропи

Шохыш бекарде.

Сәжон кандул, лурт,

Ы дастән мангурт

Чәмәни әјште,

Бо тәлә рыште:

-        Әмә быјәмон,

Һәммә быјәмон,

Ым чы сыхане,

Шымә окане?

Бочије бә дод,

Толыш кәмсәвод,

Ымон чы милләт,

Бымон чы һикмәт?

Уруси шәкән,

Ирони нокән,

Ноһәхе ым гәп,

Маһнәје мәктәб,

Ымон нин кәвон,

Әворән,јәвон...

Жыго рост бижон,

Сепаратчижон,

Ҹәм зиккә жәјдән:

Мәдән әмони,

Поә кардедән

Озорбојҹони...

***

Гәтдәбе ҹо ко

Ән јолә шәрдо,

Ыштә фел, хорә,

Ошыштедәбе,

Ҹәмати арә

Пешыштедәбе...

***

Һәхмон бә бод ше,

Суте, евәше

Озоди вылон,

Доғ басте дылон,

Сәнә сәбарзмон

Дәше бә зиндон,

Чәнә фәр зоон

Шин хәлғи ғыбон!

Ко бә ҹо риә ше,

Гыноко беше

Шәрон рытәкәс,

Һәхи вотәкәс...

Дышмен нопокон,

Дышмени нокон,

Һәммә бе аглон

Сәмандин чәвон,

Бо хәлғи сон ноә

Чанд сәбарзә зоә

Ыштә вәтәно,

Егыне тәро...

***

Бә комрә бышун,

Бә отәш дәшун,

Хәлғи быпијон

Ижәнән бә кон,

Жәјдән ыштә зу,

Хәлғ оғо быбу!

Ҹәм дастбәконе;

Ком тарыхвоне,

Де шән имони

Һәмән гыләј ҹој,

Бо моә зывони

Овҹ кардә бә кој.

Ком бә мусиги

Дојдә рәвоши.

Һандедә шин-шин

Сәдо шывоши.

Вәҹә ҹывонон

Һәммәј даст бә кон,

Мәрд мандән вәдә,

Һампо дыләдә

Милләти шәни

Рост кардән һәни!

***

Воһумоныш ож,

Попоки дивож,

Озоди Сәруш

Зындәни шәв, руж,

Ижәнән һәхи

Ростә рој шедә,

Толыши хәлғи

Ғәјди кәшедә.

Һәм мәрде, бидар

Сијасәтмәдар.

Сыхан орыштә,

Луғәт нывыштә,

Кардә јолә кон

Овҹ быкә зывон.

Де һәхи мојә

Әје офәјә,

Чәј дасто омә

“Шәвнышт” ружнамә.

***

Әв Мәздо Фәруш,

Јолә сипириш,

Әв мандә вәдә,

Осәмовондә

Чәмә ҹывонон

Бә хәјә коон.

Кардедә ве ко,

Ҹарбу бә дынјо

Толыш чич кәшдә

Дырыст евәшдә,

Сутдә бә воми.

Милләти номи

Һар ҹо моледән,

Жыго дивин бән...

Жиәдә бырдән,

Һәм дәгиш кардән

Вырон номонән,

Дијон номонән,

Дардин ымонән.

Чәј дарде һәмән

Ды поә бә вәтән!

Әв дими гәтдә

Ымони вотдә

Бә фәрә зоон:

И быбән, боон!

Вахт омә һәни

Хәј рој окәмон,

Ыштә Вәтәни

Озод быкәмон!

Бо һурри ҹон ноә

Сәбарзә зоә

Әв Фәхрәддине,

Бо хәлғи шине!

  
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|