БОМЫНО

БОМЫНО

Хилгәт

Выл окардә чымы дыл, былбылә вангиш бомыно,

Ә Хыдом зындә ки, чанәндә гәшәнгиш бомыно.

Ты омиш, дылдә бә дынјо мәседәш чич вотедәм?

Вотедәм, дын зәмин, осмони ве тангиш бомыно.

Че сори сыфтәнә манги, охо аз, чич кардәм,

Ты ки, һаруж чы сори сыфтәнә мангиш бомыно.

Беты тојке, чымы һаружнә Һәши рушнә тыниш,

Бә шәвон чордә шәви Овшуми зангиш бомыно.

Боғи, бостони вылон рангырисин бән, бочиме,

Дыштә дын нимсырә валлаһ, һәзо рангиш бомыно.

Бој, быдәм ыштә чәшон, бәштә ләзи чәш ты сәғанд,

Һич әвотниш һәни, Хилгәт, бочи дангиш бомыно.