ОСЫНЭFЭ МЕhДИ

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 32 голосов)
Изменить размер шрифта Decrease font Enlarge font
image

 
 

ОСЫНӘҒӘ МЕҺДИ

 

Хосә һандәкәсон!

Һандыме чәмә хосә Билә “Лик-Ланкони”  ыштә сәһифәдә уруси

зывонәдә ноә ым пандинә һәдис, веј хош омәј бәмы! Әве бә ғәрор

омәјм, пегордыным әј бә толышә зывон ки, быдә баһандын чәмә толышон!

Умдәвом ки, хош боме бәчәмә Билә чымы ым кардә ко!

Фәхрәддин Әбосзодә

 

            Гыләј, номыш мәһоләдә зывонон әзбәр, Меһди номәдә осынәғә жијејдәбе гыләј дијәдә. Әв даст гәтејдәбе бә һар кәси, һич кәсикујән пул пегәтејдәныбе. Ружон ружони чәј устоәти һәхәдә мәсә дастәј одәм ҹо дијо омәј чәј тоно. Әвон бәнен, осынәғә бә које. Чәвон оме сәбәби зыненҹән, Меһди дәманде бочәвон кој бә вырә росније. Чәј жени дәвәтыш карде меһмонон бә кә ки, әвон ыштә динҹи быстәнын, һәмән ғычи нун бәһән. Меһмонон дәшин бә осынәғә кә, едјәсәјн бә гырдо-кәно, һут бин мандин чәј кәј косибәти виндеәдә.  Ым чокнә које? Чы мерди дастон ғызылин, әмма әв жијејдә жыго гыләј кумәдә? - һәдәјон-һәдәјони әвон парсәјн ыштәку. Бы вахти Меһди дәше бә кә, меһмонон гыләјни огәтеш нызнәј ыштән, парсәј чәјку:

            -Ғурбинә Меһди! Шымә бы мәһоләдә мәшһурә осынәғәшон, бочи бәс жијејдәшон жыго гыләј косибә кәдә?

            Меһди едјәсәј бә меһмони, ҹәвобыш дој бәј:

            -Не, чымы боә, әмә мывәғғәти жијејдәмон бы кәдә, тожә кә ежејдәмон боштә. Гирәм пијејдәонебу, маштә нишо бәзнем дој бәшмә ыштә тожә кәј.

            Меһмонон де интизори бә чәшбин ки, осынәғә кејнә нишо бәдо бәвон ыштә тожә кәј. Һан ныше бәчәвон чәш. Әвон бәштә чәши вә вардејдәбин усто Меһди тожә ежә кәј. Жыго хыјол кардејдәбин ки, һырһовужә әјвон һесте әјо, чәј жијәдә тәвилә һесте бо мол-мәлә, гыләјән анбо һесте кәј тоно ијән ҹо чијон.

            Маштә-маштә Меһди бардыше әвон бә диј кәно. Сывој тыбәсо һичи бә чәши гынејдәныбе гырдо-кәноәдә. Меһмонон мот-моти едјәсәјн бәјәнды, чәјо парсән чәјку:

            -Кыве бәс ышты кә, Меһди?

            -Әфа, әјо, - ҹәвобыш дој усто, нишош дој тыбәсо. - Әјој чымы кә. Ә кәј аз ежејдәм бәштә бы жимонәдә кардә һәмә ғәзәнҹи һисоб. Охо аз мывәғғәти жијејдәм бы дынјоәдә, чымы гирамијон!

            1) Сеглә мәнтәшоә мәрһәлә һесте одәми жимонәдә:

            а) нуперәсәти син:

            -вахт ијән зу һесте ышты, әмма тәнхо ни;

            б) пурзујә ијән ко карде мәрһәлә:

            -пул ијән зу һесте ышты, әмма вахты ни;

            в) пи-пышкәти мәрһәлә:

            -пулән һесте ышты, вахтән, әмма зу ни. Жимон һежо ыме ки һесте! Әв жычиј дојдәбу бәты, жычијән сәјдә ыштыку!

            Әмә һежо думот кардејдәмон ки, ҹо одәмон чок жијејдән чәмәсә. Кали ҹо одәмон думот кардејдән ки, әвон чок жијејдән ҹо кәсонсә.

            Чымон һәммәј сәбәб әве ки, әмә јодо бекардејдәмон иглә чиј. Чыми ном “ИСТИХАЗӘЈЕ”.

            Гирәм бахтәвәрәти һәватә жәго гыләј вырә быәбәј, бәвәдә ты әвиндиш ки, һәмә бәшәр чокнә сәваштејдә чәј сәпе! Һәмән әвон нәһәнг мәбләғәдә пул әдәјн ки, быһырын ә бахтәвәрәти. Интаси одәмон фамејдәнин ки, һәмон вырә мәчите!

            Әжом һесте, ҹәм быкән ыштә дығғәти, тосә охој сәрәсе-сәрәсе баһандән ым мәтни.

Еһанә ты пијејдәбу бызни ыштә вырәј Хыдованди һузурәдә, едјәс Бәчәј ышты дыләдә быә вәзјәти, ғыјмәт быдә бәј.

            Веј чочинә које:

            -сипијә ранг речинәти нышонә ни, сијо рангән зыздәти нишо дојдәни. Кәфән сипије, әмма әв торсынејдә одәмон. Кә'бә сијо рангәдәј, әмма әв ҹәлб кардејдә бәштә одәмон. Әв әҹәб речине!

            Гирәм мердәти де телә зиккә быәбәј, бәвәдә улох әғәти әкәј бо һәмә мердон! Еһанә женәти ыштәни гуҹили кардејәдә быәбәј, бәвәдә мәјмун һәммәјсә речинә мојнә әби!

            Һа Адәми фәрзәнда!

            Ыштә чәшон бә Хыдованди сәнырутә, Чәјку ныбыә гыләј чиј әжо ныкардә, евә быжән ыштә сәј, шукур быкә Бәј бо ә чијон ки, Әј доәше бәты!

            ШЫК БӘ ХЫДО! ӘЛҺӘМДУЛИЛЛАҺ!

            Мыслыш ныбыә мәслоһат:

            1) Нымож.

            2) Хәјмандәти.

            3) Ғырон.

            Хаһишым ыме ки, ым мәтни бывғанд бо ҹо кәсон ки, быдә әвонән чыми хәј пегәтын боштә, тынән, Хыдованди, ғәзәнҹ бәкардеш һәзо-һәзо мыждијон! Бәлкәмән есә ышты һәммәјсә веј еһтијоҹы һесте бәвон.

            Хыдо быбахшы әмәни ијән шымәни, чәмә ијән шымә корсузи бывинды. Амин, ја Рәббил-Аләмин!

            Ожәми жимон бәнә ғумари гыләј чије:

• Ты бә дынјо омеәдә, зынејдәниш, ки бевардыше ты ышты моә болоо.

• Ты мардеәдә, зынејдәниш, ки ноше ты бә ғәб.

• Ым әҹәб чочинә које, һа Адәми фәрзәнда!

• Ты бә дынјо омеәдә, тыни шыштејдән, пок кардејдән.

• Ты мардеәдә, тыни ижән шыштејдән, пок кардејдән.

• Ым әҹәб чочинә које, һа Адәми фәрзәнда!

• Ты бә дынјо омеәдә, шојво чич бе зынејдәниш, әмма мәхлоғ шојбәсә бејдә.

• Ты мардеәдә, зынејдәниш, ки бәмәј боты, ки јасыш гәте?

• Ым әҹәб чочинә које, һа Адәми фәрзәнда!

• Моә болоәдә ты зылмотәдәбиш, ышты вырә тангижбе.

• Ым әҹәб чочинә које, һа Адәми фәрзәнда!

• Ғәбәдән ты зылмотәдә бәбеш, ышты вырә ижән тангиж бәбе.

• Ым әҹәб чочинә које, һа Адәми фәрзәнда!

• Ты бә дынјо омеәдә, тыни нијо кардејро, пепуштејдән бә и вәслә канә.

• Ты мардеәдән, ижән тыни нијо кардејро, бә кәфән гәтејдән.

• Ым әҹәб чочинә које, һа Адәми фәрзәнда!

• Ты ки омәјш бә дынјо дим, перәсәјш, одәмон парсејдән ыштыку ышты дипломон ијән кој тәҹрубә һәхәдә.

• Әмма ты мардеәдә, мәләкон бәпарсен ыштыку ышты хәјмандә коон һәхәдә.

• ТЫ, ҺА АДӘМИ ФӘРЗӘНДА, ЧИЧЫ ҺОЗЫ КАРДӘ БО ӘБӘДИ ЖИМОНИ?!

            Дылисыхт бывот ым сыханон:

            Әшһәду ән ла илаһә илләлаһ!

            Әшһәду әннә Муһәммәдән Рәсулуллаһ!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|