КЭЛЛЭ-ПОЧЭ

Разделы

Архив

Пн Вт Ср Чт Пт Сб Вс
12345
6789101112
13141516171819
20212223242526
2728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 42 голосов)
Изменить размер шрифта Decrease font Enlarge font
image

 

 

КӘЛЛӘ-ПОЧӘ

 

(фелјетон)

 

ӘЛИ НАСИР

 

 

Чы усто  Ғуләли бәштә һамсујә Пычәли нывыштә мәктуби хылосә

 

            Әввәлән сәламмәлек азизә быјәм Пычәли.

            Тыни нороһот кардә кәс ышты һамсујә усто Ғуләлије.

            Шинә бо, мәсәме чы Урусјәто огардәж. Дијәдә чич һесте, чич ни? Чәмә кәј әғыл-мәғлон чыкон?

            Бә жени бывот  вәзијјәтым ысәт веј чоке. Иншалла, ды Хыдо ризо бә ды-се манг гасбу омәјм бә кә гынјәјм. Ијән бывот әғлонку мығәт быбу. Хәбә быстән зандәгомон зандә ја не, зандәбу ағәрәныжон бәбе. Хылосә, шинә бо, ыштән чок зындәж ки, чы сәвети вахтику дыштә һәлоли зәһмәти жијә мерд бәм. Ыштә умри нимәдә вејни чы һукумәти “стројконәдәме дәвонијә.

            Сәвет гыније мәвот чәмә кәјебән гыниједә, һа Пычәли.  Стројкон фылононән ләғм бен. Ты бешеж шеж бә Урусјәт бә и тикә нуни думо. Азән бәдә веј устоон мандим бе ко.  Чич быкәм- чич ныкәм, мәҹбур мандим ром гәте ешум сару. Сыфтә чы Ланкони чәсни кәонәдә тыкәј маләдә фылонәдә кардыме дуз да сор ыштәным вәғын әворә кај виндыме не, чы кој һәх бә кәдәки әғлон тәјә нуни һеч рәсдәни. Чы Ланконо пенышдим бә појиз омәјм ешем Бокуәдә.

            Ды соәх-соәхи омәјм бешем бә гулбазари. Ыштә диләг-миләгоным һежо тожә ыштә амисәм евардәбе ки, виндыме иглә арски-вирски доә машин  манде дуз чымы навәдә. Чы машино иглә нимшинә мерд еше дуз омәј чымы пајлијо вотже: “Уста, мәнә штукатуршик лазымдыр”.

            Вотыме: “Штукатуршик-мән, әмиоғлу”.

            Бы вахти кәноәдә мандә дыглә фәһләон нез омәјн, дәвонымән сојбәт кај әвонимән дыштә пегәте нышдимон бә културни одәми машин омәјмон бә кој вырә. Виндымоне зә, ым иглә јолә сараје, ијо һич ныбо ды-се манг ко һесте. Ты что мәвот ым јолә имарәт чы назир Филонкәсови дачәјебән.

            Јолә осынә дәрвозәку бә дылә дәжәчәғын бәчәмә чәш иминчи соәдә нәвә авчәркә сыпә чијәј. Сыпә чы сыпә ?! Дуз чы Ғәрибәли сијоә һәј зори. Сыпә чыко әмәныж винде гәдәј мыррәж дој.

            Бы вахти әмәни вардәкәси бә сыпәж воте: “Дункан, не надо, они свои”.

            Бәле, ды кој таниш бемон биномон кај гәдә-гәдә бә дивоон малә жәј. Әјән бывотым ки, һәм вәј ко кардәбимон, һәмән вәј мандәбимон. Машдәнәј субһ вахти һежо тожә биномон кабе тул гәте икәрәән виндымоне ки, иглә Мерседес омәј огәтже. Чы машино ды кәс еше иглә јолә ғәзәныжон евај вардыжоне бә сој мијон.

            Жыгом зынәј ки, бәмәро һард-бырәвыжоне вардә. Әве нез беем бә ғәзәни сәј гәвым рост кај виндыме зә ым чиче ? Ғәзән де бә гәв пуре ды кәллә-почә аши. Омәкәсонәдә гыләј бәмыныж воте: “Уста, иштаһындан хаш јемәк кечирсә ондан сәнә дә чәкә биләрик”.

            Вотыме: “Һә, гардаш, һеч кечмәли шеј дејил”.

            Бымәдә ә мерди иглә јолә пијоләж вај чы ашәдә и пурә пијоләж екарде бомыро. Пијоләм окырне бәштә нав бином кај ды тәнујә нуни гәдә-гәдә һарде. Бәмы дијә кардә ым ашвардәкәсон бымәдә гәдәј лыбутә сырәжон кај пешо чы ғәзәни кәлләпочә ашижон пеш кај бә сыпәро диво бынәдә ноә бә ләгәни дылә. Сыпә ыштәныж роснее бә ләгәни бинож карде шин-шини һарде.

            Бы кој кәноәдә мандә фәһлон мот-моти дијә кардәбин.

            Ым вәзијәти виндә ашвардәкәсонәдә гыләј вотыже: “Гардашлар, нә үчүн белә тәәҹҹүблә бахырсыныз, бизим Дункан ҝүндә бир белә газан хаш јемәсә дүнјаны дағыдар. Һәр ҝүн онун үчүн бир ресторан бах белә бир газан хаш биширир, биз дә ҝәтириб она веририк. Бәли, бизим назирин севимли ити сәһәрә бир газан хаш, ҝүнортаја бир порс лүлә, он порс тикә, шама он бәсти пити вә он пијалә күфтә-бозбаш јејир. Белә ки, нараһатчылыға һеч бир әсас јохдур. Ишиниздә олун”.

            Бәле, әзизә Пычәли, чә ружику дыштә дә дыглә фәһлә һа руж бә сүбһанә хаш, бә чошдә лүлә ијән тикә кәбоб, бә шангонәән пити ды бозбаши һардәмон, әрәғән ки, чәнәдә пиједә. Чә ружику ко кое, кефән ки кеф. Ысәт, шинә бо, дыштә фәһлон иврәдә ыштә нывиндә ружон виндедәмон. Ростә  дастымон бә хаши, бә луләкәбоби, пити, бә бозбаши орзу бардәкәсон сә.

            Вотдәм, чәмә жыго назирон чәнәдә  веј быбон әмәнән фәғирә усто-мустоонән бә чәвон Дунканон һисоб тикәј кеф бәкамон.

            Хыдо ружи бәвиндемон. Һа, шинә Пычәли, быми бәвотем ко, быми бәвотем кеф.  Әгәр пиједә чы Хыдо ружи винде шодә чә диј сығи бој бә Боку чымы тоно тынән ыштә ружи ды кефи дәвон.

            Бә чәмә кәј әғлон сәлом-дыво бывот. Иншалла ды хонәхо бәвонроән пул бәғандем.  Шымәни һәмәјәво мач кардедәм.

            Хыдоһафиз,бымандән бә сәломәти.

Шымә Ғуләли.

Боку-15 март 2005-нә сор.

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|