Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | ||||
| 5 | 6 | 7 | 8 | 9 | 10 | 11 | |
| 12 | 13 | 14 | 15 | 16 | 17 | 18 | |
| 19 | 20 | 21 | 22 | 23 | 24 | 25 | |
| 26 | 27 | 28 | 29 | 30 | |||
Рассылка
Подписаться на рассылку:
Оцените содержание статьи?
(всего 75 голосов)
Изменить размер шрифта
ӘМОН, ҺА ХЫДО, ҺА ХЫДО !
ӘЛИ НАСИР
Чы дынјо веј вонәш һесте,
Хәробәш, овдонәш һесте.
Һа пәрәндә лонәш һесте,
Һа милләти ыштә сәдо,
Әмон, һа Хыдо, һа Хыдо !
Анә дардә бо әбыни,
Һытәјон оғо әбыни.
Чы бәһејку ло әбыни,
Бо лој лонә бә чәмә до,
Әмон, һа Хыдо, һа Хыдо !
Дијә кардәм бә Шиндони,
Ку бә чаше, һышк бә һони.
Бә зәмин бо жыго сони !
Чы Толыши окышјә чо,
Әмон, һа Хыдо, һа Хыдо !
Нә һоле, нә һынә мандә,
“Бәлләбыр”и бынә мандә.
“Сығон”ән бә рынә мандә,
Синнәдә ни чы ғәбон то,
Әмон, һа Хыдо, һа Хыдо !
Мәһәкбимон, нам бедәмон,
Но бедәмон, рам бедәмон.
Веј бе-веј бе “кам бедәмон”,
И бәты мандә чәмә ко,
Әмон, һа Хыдо, һа Хыдо !
Сығә бобон нәвон хокә,
Нымәш һуле, нымәш нокә.
Ты милләти чашон окә,
Бымәс чы Насири нидо,
Әмон, һа Хыдо, һа Хыдо !
Комментарии (0 добавлено)
Политика и экономика
Интервью / Заявление
