МУБАРЭК БЫВОТЭН

МУБАРӘК БЫВОТӘН

 

 

Баләддин Вешо (“Веj шо”)

 

“моәку быә руже.

Чәшрушни дојдәмон Бә Шаири!

Мыборәк быбу ышты 49 син!

Хыдо зу быдә Бәшты ғәләми,
Хыдо рушин быкә Ышты фами,
Хыдо сәломәт быкә Ышты ҹони,
Хыдо һәнијән зуманд быкә Ышты бәчәмә хәлғи меһиббәти!”  

 

Мубарәк бывотән бә тожә ружон:

Бә хәј обушон!

Мубарәк бывотән бә рушнә оме,

бә Һәши даме!

Бә тојки, зылмоти видо бывотән!

 

Мубарәк бывотән бә савдо номи,

бә ешғи тәми!

Мубарәк бывотән һа гәви пури,

бә шин ружгори!

Бә ғәми, ҹоәти видо бывотән!

 

Мубарәк бывотән бә шој мәрәкон,

бә һәмә чокон!

Мубарәк бывотән покә одәмон,

бә хәј ғәдәмон!

Бә шәри, нәһләти видо бывотән!

 

Мубарәк бывотән бә обә вылон,

шо быбун дылон!

Мубарәк бывотән бә гур жимони,

де һур зывони!

Бә рыки, һыҹәти видо бывотән!

 

Мубарәк бывотән бә һовон, додон,

бә хосә идон!

Мубарәк бывотән бә дынјо дими

бә әғлон оме!

Бә марде, хывәти видо бывотән!

 

Мубарәк бывотән бә чин бә ноҹон,

бә чин бә һанон!

Мубарәк бывотән бә ружон обе,

овандин бәбе!

Бә тели, куләти видо бывотән!