БЫhЫРЫМ БЭЛО, НЫhЫРЫМ БЭЛО ?

Разделы

Архив

Пн Вт Ср Чт Пт Сб Вс
1
2345678
9101112131415
16171819202122
23242526272829
3031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 85 голосов)
Изменить размер шрифта Decrease font Enlarge font
image

 
 
 
 
 

БЫҺЫРЫМ БӘЛО, НЫҺЫРЫМ БӘЛО ?

(дарди-дыл)

Әли Насир

 

Чы ҹур ошандә бә гофим ?

Һәзо ростим, иглә сәфим,

Фырфирәбозон һәдәфим.

Ужән бешән сәон һыло,

Быһырым бәло, ныһырым бәло ?!

 

Ды Толышә “бандон” бә гәпим,

Аз ростим, ки вотдә чәпим ?

Ды әҹәли бә ләп-ләпим.

Нәһләт бә шәјтони гыло,

Быһырым бәло, ныһырым бәло ?!

 

Перәс вотдәм  перәсдәнин,

Сәрәс вотдәм сәрәсдәнин,

Јол бедәнин дәрәсдәнин.

Дијә кардән мијон гәлон,

Быһырым бәло, ныһырым бәло?!

 

Лырдә ов  мы ду кардәни,

Сардә ашым  пу кардәни.

Бә пошнә мы ту кардәни,

Ки виндә шат быбу пуло?

Быһырым бәло, ныһырым бәло ?!

 

Ағыл ҹони осәғанде.

Мынән бо ағыли ғәб канде,

Зындонәдәм кем дәғанде.

Тәкардыме сијо тало,

Быһырым бәло, ныһырым бәло ?!

 

Дардымон кындә ангыле,

Ов бекә  ғабымон һыл-һыле.

Сығмон егнијә чол нығыле.

Бекај зындәнимон чоло,

Быһырым бәло, ныһырым бәло ?!

 

Ни чы фарси, тырки гыно,

Зындәм бо әбыни чыно.

Бә Толыши кефи ныгыно,

Бу рост кардә чы һәј сыло,

Быһырым бәло, ныһырым бәло ?!

 

Зәмонә зылмотә шәви,

Нишон дојдән бә һәј чәви,

Окардедән сыпон гәви,

Дымжон војдә чәвон шуло,

Быһырым бәло, ныһырым бәло ?!

 

Бә биҹи биҹ ты һа бывот,

Гәфи лап быкә ка, бывот,

Бо ноҹинси ты са бывот.

Әчәј иглә бәже әлов,

Быһырым бәло, ныһырым бәло ?!

 

Оғо быбу һар кәс һытә,

Кырәм вотә бә һәј кытә,

Дәрывәкәсон гәвым гәтә.

Гырәј мәкән мыку дыло,

Быһырым бәло, ныһырым бәло ?!

 

Ым охо ни сир, Толышим,

Ки вотдә гәгир Толышим?

Сәјку бә по зыр Толышим.

Бә дәнәрәсон жәјдәм сәло,

Быһырым бәло, ныһырым бәло ?!

 

Вәс бәка дыр-дырымбәло,

Вәс бәка гыр-гырымбәло,

Вәс бәка тыр-тырымбәло,

Бынән бә нав Толышә кыло,

Хәбә быстәнән ыштәку:
Быһырым бәло, ныһырым бәло ???!!!

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|