ЫШТЫ КО МАНДЭ БЭ ХЫДО

 

 

 

 

ЫШТЫ КО МАНДӘ БӘ ХЫДО

ӘЛИ НАСИР

[ 1.5.1955-1.2.2017 ]

 

Зылмотәдә ро кардедәш,

Һәммә бешән чы зылмото-

Ты һәлә по-по кардедәш,

И лынг дороз, и лынг куто-

Ышты ко мандә бә Хыдо.

 

Бә мәло лампә бәш дәхыл,

Гулу бедәш чы хыл-бә хыл.

Лампә бәштә быни пәхыл,

Ымы бекардә чы јодо-

Ышты ко мандә бә Хыдо.

 

Кишмиш һардә мәло кырә,

Ышты һардәј һышгә торә.

Жидәш ды чангырәтырә,

Сәј бекырын чы кол-кото-

Ышты ко мандә бә Хыдо.

 

Бәј бә куә лампә уми,

Егынијәш ты думо думи,

“Шәлем бә бын, тум бә туми”.

Нечи бәбе чы пәси додо?

Ышты ко мандә бә Хыдо.

 

Вишә бе шир- бе јол бәбе,

Чә вишә мәло шәғол бәбе.

Әјо һәром-һәлол бәбе?

Ҹо кардәниш ови шыто-

Ышты ко мандә бә Хыдо.

 

Бә омә мој сол вотедәш,

Ҹәндәкини јол вотедәш.

Холи до, дој хол вотедәш,

Хыдо бәты ағыл быдо-

Ышты ко мандә бә Хыдо.