ФОРС ПЭРТ КАРДЕJДЭ ЫШТЭ СОJБИ

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 115 голосов)
Изменить размер шрифта Decrease font Enlarge font
image

 
 
 
 

ФОРС ПӘРТ КАРДЕЈДӘ ЫШТӘ СОЈБИ

Бәһмән Салеһ

 

            Нәвузә идбе. Ланкони Јолә выжори вәдә мәһоли одәм гырдә бәбин. Мијонәдә һестбе гыләј гәдә кујә. Бәврә рост бәкәси виндејдәбин һәммәј. И кәс петатәбе бә кујә сә, вотејдәбе:

            -Һич сук тов әвәни чымы суки вәдә, бәжејән, бәкыштејән. И мәнот зәр бәдом бә одәми ки, чәј сук бәзне жәј чымы суки. Нызно жәј, бәвәдә бәпе быдә бәмы ды зәрә мәнот.

            Ҹо гыләј кәс һәриф нәвејдәбе бәштә сыпә боби…

            Бы дәмәдә омәј гыләј аспо, асписә енывоә вотыше бә ҹәмати:

            -Пијејдәме жәләвонә одәм ки, әв дештә аспи бә аспәтожнә бешу демы – дечымы аспи. Чә хонәхо асп дәвардо чымы аспи, аз да мәнот зәрә пул бәдом бәј. Чымы асп дәвардо чәј аспи, бәјку бәстем вист мәнот зәрә пул. Кије һәриф, бешу бә мәјдон!

            И кәси барз кардыше ыштә сәдо че ҹәмати дыләдә, вотыше:

            -Сепадијәдә Әғәббокује ышты вотә асп, бәзнеш карде, быши дәј быкә аспәтожнә, пәрт әбыниш.

            Сыә аспо окырнише ыштә аспи ләғом. Аспи рост кардыше ыштә навныә лынгон  бә һәво, манде бәсә дыглә лынгонсә, шивјәј, гавәрән жыго вотышебу:

            -Кије бәмы һәриф, бешу бә мәјдон!

            Сыә аспо парсәј че ҹәмати дыләо бәј сәдо доәкәсику:

            -Шинә бо, Әғәббо кәдә, дијәдә бәбе ысә, ја не?

            Че ҹәмати дыләдә нијо быә одәми доше ыштә вә итонә, вотыше:

            -Ымруж аз бешејәдә кәјку, Әғәббо ыштә кәдә, ыштә соәдәбе. Ныбеше фикән бә ҹо вырә шеј.

            Сыә аспо дәкырнише че аспи ҹылав:

            -Бәвәдә аз шејдәм Әғәббо тоно, һәлә буну мәв дештә аспи дәварде бәзне чымы аспи ја не? Ты огардејәдә бә ди бәмәсеш чымы шуҹоәти!

            Сыә аспо ки дәро гыније бә Сепади, че ҹәмати дыләдә нијо быә мерд гарде бә бина пешт, гәтыше ниғоб бә дим, ваште че сијо асписә, тожнише, есијәј чәшәпардәку, гин бе. И кәрән хәбәдо бе бәвәдә ки, бәне че Сепади дукони вәдәј. Парсәј одәмонку;

            -Сыә аспо дәварде чыјо?

            Вотышоне, ше.

            Ниғобинә аспо-сијо аспо огарде бәди Ланкони, Шағләсејо бешејәдә виндыше, омејдә сыә аспо Ҹили тәрәфо, чокнә омејдә, бәнә мори! Сыә аспо парсәј аспон рәсејәдә бә ијәнды:

            -Сепадијәдә че Әғәббо, вотејдән, һестыше гыләј чокә витә асп, росте ја дује?

-Росте. Бочије әв?

            -Пијејдәме аспәтожнә быкәм дәј. Ғалиб бо, бәј бәдом да мәнот зәрә пул, аз дәвардом, бәјку бәстем вист мәнот зәрә пул.

-Ысә ышты һесте әнә зәрә пул?

            -Червон чиче бәс? Зәрисә боһој!

- Жәго чоке ышты асп? Уму һесте ки, ғалиб боме әв?

            -Чымы аспику дәвардә асп быәни һәлә!

-Че Әғәббо аспән ве чокехо! Әв жәго шејдә туләдә, шумәдә, нангыронәдәш мандејдәни тул, ешејдәнин чәј лынгон бә тул!

            -Бәмынән жәләвон гәрәке.

-Һәлә бој, дәвинәку бекәмон ышты аспи. Бунум де Әғәббо аспи беше бәзне бә аспәтожнә, ја не?

            -Ым чы сыхане? Һәзоһәлбәт ғалибе чымы асп.

-Бәвәдә бә Сепади нышә, бешәмон бә һәсбәһс демы – дечымы аспи. Дәвардош мыни – чымы сијо аспи, вист червон пул бәдом бәты. Бәшеш де Әғәббоән бәнош ыштәни бә тавзы. Чәјкујән вист мәнот зәрә пул бәстеш, дәрәмурд бәкардеш чыл червони и ружәдә, ја не? Дыјнәнкујән бәбеш, ты бәдош пул!

            Сыә аспо вотыше:

            -Аз рози!

            Шағләсејәдә гырдә быәбе әһли-хыбрә, дошоне бәвон – сыә аспо – да червон, сијо аспо – вист червон. Пеныштин бә асп әһли-хыбрә одәмонән, тожнишоне чәвон думо бә Ланкони тәрәф. Камиши мандәбе бә Ланкони, бәнен бә думо огардејдә сијо аспо, тәргәдәшән ды кәс че әһли-хыбрә одәмонәдә. Сәбәсә омәјн сыә аспо де сијо аспо. Сыә аспо гәтыше бә гиј ыштә мәғлуб бе. Дыјнәнән әвон огардин бә Ланкони Јолә выжори мәјдон.

            Әһли-хыброн гырдә быәбин мәјдонәдә. Едаштышоне пул бә сијо аспо, пеныгәтыше, вотыше бә сыә аспо:

            -Аз сәјдәним ын пули, огәт ыштәку, бошамон Әғәббоку  бә Сепади, ғалиб бомеш бәј, дәрәмурд бәкардеш вист червонән, бәнош чы пули сәпе, харҹ бәкардеш бә хәј.

            Ҹәмати виндыше ын сәха, ын мердәти, ын ғырјәтмандәти, сәпорәјн че сијо аспо сәпе: тәбрик быкә ки, мач быкә ки, хәшәҹони бывот ки. Арәдә пәјдо бе әј зынәкәсән, әј вотыше:

            -Әғәббо, ым ышты чанминә ҹомәрдәтије, че нәнә шыт һәлоле бәты!

            Сыә аспо мәсәше че Әғәббо ном, дәрәсәј ки, чанә ҹомәрдебән ын сијо аспо. Еғандыше ыштә кәшон бәчәј гиј, кардыше бәј ловә:

            -Быбахш мыни, кардыме ыштәнәдәбешәти, бә гиј гәтејдәм ыштә сәһви.

            Әғәббо гәтыше әв дәвәнго, вотыше:

            -Форс пәрт кардејдә ыштә сојби, форс мәкәјш!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|