ШОJВО БЫКЭН, hЕJ, НЭВУЗЭ ИД ОМЭ !

Разделы

Архив

Пн Вт Ср Чт Пт Сб Вс
1
2345678
9101112131415
16171819202122
23242526272829
3031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 27 голосов)
Изменить размер шрифта Decrease font Enlarge font
image

 
 

ШОЈВО БЫКӘН, ҺЕЈ, НӘВУЗӘ ИД ОМӘ!

Ханәли Толыш 

Дәростәнән, перостәнән ыштәни,

Каву бән бандыкујон, дашт һәни.

Ағылмандон бә пешнә ко һаштәни,

Бә кәфшәнон гылгылинә гит омә,

Шојво быкән, һеј, Нәвузә ид омә!

 

Чәмә әғлон бә ијәнды дамедән,

Ашығ бедән, иҹо жидән, чамедән.

И сыредән, бешедән чы ғәмәдән,

Һәмә шејон чы Хыдоку гит омә,

Шојво быкән, һеј, Нәвузә ид омә!

 

Огардәмон бәштә бобон ро һәни,

Рон окәмон бә ијәнды сон һәни.

Бәд мандәкәс ыштә пыә зоә ни:

Бызынән ки, әв бә дынјо шит омә,

Шојво быкән, һеј, Нәвузә ид омә!

 

Фатмә нәнә һатә дингә пежәни,

Расән бәкәј, бәј һички чәш нәжәни.

Чы хәлғәдә беғыјрәтон бешәнин,

Ијо бә гәв һәлоләдә шыт омә,

Шојво быкән, һеј, Нәвузә ид омә!

 

Әв Осторо, әв Ланконе, әв Лике,

Чы Масәли һәвосатән веј поке.

Әвәсори һәмә вардә шеј чоке,

Пијәмердон ҹонән гәдәј тат омә,

Шојво быкән, һеј, Нәвузә ид омә!

 

Вакардедә чан гылә ко әмәни,

Чајә кулон чы кәфшәни сәмәни.

Толыш һич вахти бе зәһмәт чамәни,

һакәнәј чәј еғвалисән шат омә,

Шојво быкән, һеј, Нәвузә ид омә!

 

Ә Куләтон, ым Бәдәлон, Ғызләво,

Бы тәрәфон бәдә һәво һич ныво.

Хыдо, бымәс, тынән чәмә ын дыво:

Һәмә дылон окән зизә, ид омә,

Шојво быкән, һеј, Нәвузә ид омә!

 

Дынјо боки холи-холчә оғандә,

Веј одәми чы асбәдә еғандә.

Ханәлијән ын шеери пеғандә,

Бо ын ружи әвән кардә шоткомә,

Шојво быкән, һеј, Нәвузә ид омә!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|