АХ ВЭТЭН

АХ  ВӘТӘН

[ ӘЛИ НАСИР ]

Ымруж Устод Әли Насири чылымбе...

Дијә кардәм һытә милләт ни хәбәрдар, вәтән !

Ышты дарди быкә Насир бә ки изһар, вәтән ?!

Дасто ше ном, ше зәмин, сутдәм-евәшдәм бы ружи,

Тәнһо мандәм, ни гылеј дардбызын һәмкар, вәтән !

Һанәдәм винде зышанго бобо Папок ныштә,

Бәмедә Барзи хәроботәдә зар-зар, вәтән !

Толыши бандику әслән чы симорғи лонәе,

Бә симорғи бы лонә сојб бешәбу сар, вәтән ?!

Әнәдәш карде әдовәт деты фарси, әрәби,

Мәвужи кам бе, омәј ғәфләво-татар, вәтән !

Ышты фәрзәндон охо мәрдо-вәфомандбин һәмә,

Ни ысәт дамониро иглә вәфодар, вәтән !

Ружбәруж кандә дыли дард, чыко ру кандедә ку,

Хыдо ыштән быбу бы руждә бәты јар, вәтән !