БЭ ХЭННОСОН ЧЭВОБ

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 18 голосов)
Изменить размер шрифта Decrease font Enlarge font
image

 
 
 

БӘ ХӘННОСОН ҸӘВОБ

Бәһмән Салеһ

 

            Сыхан беше ки, Мерзо Нәсири ројсә виндәше пачкәј пул. И кәси вотыше: “Бочи мәһз бәј раст омә ?”, ҹо кәси вотыше: “Зәрфәти кардәшоне, Мерзә дәвинәо бекардејдән: бунәмон покә одәме, ја дујәвуж ?

            Чајхонәдә, һардхонәдә, дуконәвәдә, вәјәдә, којәдә, хәјәдә, шәрәдә – һаҹо бы барәдә сыхан шејдәбе: Мерзо Нәсири виндәше и пачкә пул, чикије, бо быстәны! И сори дыләдә пәјдо ныбо чәј сојб, тәһвил бәдо бә мәчити!

            Ын охонә сыхан ҹәмати һәнијән ве ыштәку бекардејдәбе: “Чич, бә мәчити бәдо? Мәло әјән баһарде, овән пебәшоме чәј кутисә!

            Чыми бәпештә һар кәс пули бочи харҹ кардејро тәклиф дојдәбе: И кәс вотејдәбе: “Чок быәбе, дә пули роон тумо быкәј.” Ҹо кәс вотејдәбе: “Чок быәбе ә пули имом Һусејни роәдә харҹ быкәј.

            Диј әһли-кефә одәмон гырдә бин, и дастә панәмәбәсә, гәлестукбәгиј, омәјн Мерзо Нәсири палијо:

            -Ыштә виндә пули ты харҹ быкә ја боштә, ја Хыдо роәдә. Ыштән харҹ кардејро дылы омејдәныбу, быдә бәмә, әмә харҹ быкәмон, сәвобыш ныбо, гыношән әбыни.

-Хыдо бәшмә вотәј ро дојдәни, Ғыронән, шәриәтән тәсдығ кардејдә чымы вотәј. Хыдо шымәнијән виндејдә, мынијән. Ын имтоһон омә бомы, чәј сәвобијән аз бәдом, бәшмә дәхлы-чијыш нише!

            -Мерзо, ыштәку ве рози гәп жәјдәш! Елмијә одәмиш, миәллимиш, дини-шәриәти чок зынејдәш, де Хыдо ибодәти дасткош, һәлоләти, ростәти боштә пешә кардә. Китобику ҹо бејдәш, дәчыкејдәш дәрси, дәрсо омејдәш де косибәти, де устоәти дастко бејдәш. Хәј-шәрику мандејдәниш. Әмма, чы фојдә ки, әвомиш, әвом! Ын пул Хыдо роснијәше боты, һарде зынејдәниш! Быдә бәмә, әмә бәһәмонәни!

-Бәштән гин быбән чыјо, шәјтонон, хәнносон, бәдносон, шәрносон!..

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|