Рангрисинэ инfылоб бэбе Озорбоjчонэдэ -ТМВ

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
25262728293031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 24 голосов)
Изменить размер шрифта Decrease font Enlarge font
image
 
 

Рангрисинә инғылоб бәбе Озорбојҹонәдә

ТМВ_10_02_2017

 

Һар вахтон хәј быбу, чәмә хосә тәмшокорон! Ымруж аз гәп бәжем бошмә Озорбојҹони чәш кардә рангрисинә инғылоби һәхәдә. Ыштә сыхани сыфтәдә пијејдәме изоһ быкәм бошмә, бочи аз ијо “рангрисинә инғылоб” вотејдәм? Охо чәмә зынәјку, тосә есә кали ҹо довләтонәдә бы инғылобон һәммәј “рангинә инғылоб” быән. Мәсәлән, Гырҹистонәдә “сыәвыли инғылоб”, Украјнәдә “нонҹә инғылоб” ијән ҹо быә. Жәгобу, бәвәдә бочи бәс аз вотејдәм ки, рангрисинә инғылоб быәнине Озорбојҹонәдә?

            Иминәни, ым бәбе сосиал инғылоб, јәне Озорбојҹони мәхлоғ һәммәј ғыјом рост бәкарде бә есәтнә һукмәти вәјнә, бәпијеше пегордыны әј. Чумчыко мәхлоғ һәни бә хыртә рәсә дасти чы һукмәти.

            Дыминәни, Озорбојҹони һәмә хәлғон ғыјом рост бәкарден бә ым мәмләкәти ишғол кардә кырдон вәјнә. Бы мәноәдә, ым бәбе хәлғи инғылоб.

            Семинәни, чандә гылә тарыхән бә дәрһәл рәсә регион һесте Озорбојҹонәдә – Гәнҹә, Ширвон, Хәрәбоғ ијән ҹо регионон. Тәғрибән са сори дыләдә ки, бә мәјдон бешә Озорбојҹон номәдә гыләј песохтә довләт, чәј сәдә ныштәкәсон һичишон кардәни ки, ә регионон и быбун, мылки милләт бә әмәл бо бы мәмләкәтәдә. Әксинә, һар гылә һукмәти һар чијыш кардә ки, һәнијән нығыл быбу чы регионон арәдә быә дышменәти. Ком региони нымојәндә омәбу бә һакимијәт, әлбәһол гырдәш кардә бәштә сә ыштә һәмвәтәнон, ејни зәмонәдән зылмыш кардә бә мандә регионон хәлғон. Есә һакимијәтәдә ныштән нахчываныжон ијән ермәнистоныжон, һәмә вәзифонәдә ныштән чы дыглә регионо бешә кырдон, әве мандә регионон һәммәј бә гырдым-гырдымин ки, кејнә пебәфыскије чәвон лынг, әвонән дивон бәгәтен бәвон. Әве вотејдәм ки, ым һәмән “регионал инғылоб” бәбе, регионон инғылоб бәбе.

            Чоминәнишән ыме ки, ым инғылоб чы зәминон бынәјнә хәлғон – толышон, ләзгијон, аварон, парсон (татон) милли-озоди инғылоб бәбе.

            Чы инғылоби ҹо мәмләкәтонәдә быә рангинә инғылобоно ән јолә фәрғыш әв бәбе ки, һәмон мәмләкәтонәдә (Гырҹистонәдә, Украјнәдә и.ҹ.) инғылоби нәтиҹә әв быә ки, һакимијәт дәгиш быә, гыләј һукмәт шә, ҹо гылә омә бәчәј вырә. Әмма Озорбојҹонәдә чы рангрисинә инғылоби нәтиҹәдә Озорбојҹон номәдә довләт икәрәмәдә ни бәбе дынјо хәритәо.

            Есән ды-се кәлимә бывотым бә һәхәдә ки, бочи мәһз есә гәп жәјдәм бошмә бы һәхәдә. Мәсәлә бымәдәј ки, бы незони Русијә Либерал Демократијә партијә сәрдор Владимир Жириновски вотәше ки, рангинә инғылоб быәнине Тыркијә ијән Озорбојҹонәдә.  Бә нәзәр сәј лозиме ки, Жириновски ым сыханыш вотәни бәнә сијосәтмәдари ғәзинә, Русијә һукмәти номош вотәни, әј ымыш вотә бәнә гыләј мытәхәссиси ғәзинә. Јәне вотәше ыштә нәзәр. Әмма Озорбојҹонәдә јаһушон рост кардә, һәммәј бә до-дымжонин бә Русијә ки, һичмәсә, Москвә пијејдәше мәһв быкә Озорбојҹони. Ым чәјку хәбә дојдә ки, Озорбојҹони сијоси елитә ыштә дыләдә ғәбулыш кардә ки, Озорбојҹони охој-охоје. Чәвон нывыштәјон һандеәдә, бә одәми жыго омејдә ки, әвон һәммәј ныштән ҹәмәдононсә, зынејдән ки, ым довләт мәһв бәбе, әве бә чәшин ки, гыләј хәбә бешенҹән, рәјрә бывитын!  Чәвон бә Жириновски вотәјон доә реаксијә ҹо ҹур парчин әбыни кардеј.

            Ыврәшән мәлуме ки, иглә Жириновски вотејдәни ыми. Чәмә региони чандә гылә ҹо мытәхәссисон чандә соронин вотејдән ки, жыго бышо, выло бәбе Озорбојҹон. Интаси Озорбојҹони президент И. Әлијев ыштәни вәғын нојдәни, ыштәни жыго бардејдә ки, жыго бызын, һич виндејдәни шә просесон. Һар вырәдә јоләшәх-јоләшәхи бәјон кардејдә ки, һичмәсә һич гылә ишкил ни Озорбојҹонәдә, һәмә хәлғон бәнә быјә жијејдән ијо, иғтысодијотән ки лап чок овҹ кардејдә. Реал вәзјәт есә бој хәбә дојдә ки, есә нығылә боһрани дыләдәј Озорбојҹон, зиддијәтонән анә вејин ки, әнҹәх инғылоб бәзне һәлл карде әвони.

            Сыхани рости, бә Әлијеви нәвемони, вотә бәјонотон нәзәр сәғандеәдә, бәчымы јод омејдә гыләј һәдис: Ружи гыләј мерди зандәго гин бејдә. Әв даштәдә нәвејдә боштә зандәго. Һамсијә бешејдә бәчәј нав, вотејдә: - Зә, кәхәлизи балә, ышты зандәго гин быә, әмма ты ашиш-ашиши нәвејдәш ијо! Мерд вотејдә: -Иглә дә мандә, бәврәјән дијә быкәм, әјоән ныбо, бәвәдә бәвиндеш чымы вај-шивәни!

            Есә Илһам Әлијев мандә чә мерди вырәдә. Һәлә бәј жыго омејдә ки, дынјо һежо жыгоән бәше. Ымијән бывотым ки, һәмә тиранон жыго быән. Әвон тосә охонә ружи жыго зынәшоне ки, һички зуш нибәвышкије бәвон! Сәддам Һусејнән жыгобе, Ғәззафијән! Әмма ко-којку дәвардеәдә, һәни ди бејдә! Жәләвон и кәрән чәш окардејдә, ыштәни виндејдә мәхлоғи ләғы жијәдә! Әлијев жыго зынејдә чәј ләшғәр, полисон, кырдә террористон пебәрохнен әј. Интаси дынјо тәҹрубә нишо дојдә ки, бәдәбәдәдә чәвон һич гыләјни рәсе зынејдәни бә тирани һәрај! Озорбојҹонәдән жәгоән бәбе иншаллаһ!

            Чымы азизон! Чәмә бәрномә чарчивон имкон дојдәнин ки, ијо дырыст тәһлил быкәм ыштә пијо вотә тезисон һәммәј. Хыдованди, вәомә бәрномонәдә әвонијән бәкардем бошмә. Ыми бызнән ки, И. Әлијеви һукмәти ыштә дасто омә һар чијыш кардә ки, ни быбу зәмини димо ым довләт! Иншаллаһ, жәгоән бәбе!

            Сәломәт бымандән!

 

ТМВ_10_02_2017 :   Рангрисинә инғылоб бәбе Озорбојҹонәдә

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|