hА ТОЛЫШ

ӘЛИ НАСИР 

Кәј кәләку него бәбе, рост быби,

Ышты орзу тум до бәбе, рост быби.

Ышты авлодон шо бәбе, рост быби,

Ышты дарди карде мы пи, һа Толыш,

Бызно тыни зындәни ки, һа Толыш.

Һички бәты зәһмәтәдә то бәни,

Һички бәты вәһдәтәдә то бәни,

Һички бәты гырјәтәдә то бәни,

Бәс бочи мандәш сәбәжи, һа Толыш,

Маштә охо ди бәбе, ди, һа Толыш.

Ғәссәм дојдәм тыни бә мердон ғәви,

Ышты роәдә ҹон доә мердон ғәви,

Быканд һәни ғәмон, чы дардон ғәви,

Дызд дәшә бәшты шорә һи, һа Толыш,

Ышты јурдисә каштә си, һа Толыш.

Ышты һони чашмә егәтдән бијон,

Дијәкә, бекардә ботыно шох кијон?

Дандони тиж кардә боты һамсијон,

Ышты чокијон әвәзи, һа Толыш,

Бәс кыве ымружнә Һәзи, һа Толыш?

Вәсе һәни, дыглә дасти мышт быкә,

Быжән бә ноҹинсә номердон букә.

Дуз бәчәвон чәкутисә ту быкә.

Думбәһәво дәғылә бызи, һа Толыш,

Маһашт һәни бәштә нези,  һа Толыш.