Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | 5 | 6 | ||
| 7 | 8 | 9 | 10 | 11 | 12 | 13 | |
| 14 | 15 | 16 | 17 | 18 | 19 | 20 | |
| 21 | 22 | 23 | 24 | 25 | 26 | 27 | |
| 28 | 29 | 30 | |||||
Рассылка
Оцените содержание статьи?
ЫШТӘ РУФЫ ӘМОНӘТ ДОЈ ТЫ БӘМӘ
(Бә Толыши милли руфи – Әли Насири азизә хото)
Бәхтијар Рушин
Воа кәфәны бәштә тани дәгәте,
Дештә барде, “Гонә шәлә” пегәте!
Чәмә хәлғы сәғыр, јәтм огәте;
Ым әдовәәт бочи гәте Ты дәмә?
Ыштә руфы әмонәт дој Ты бәмә!
Ты лидербиш һәзо-һәзо инсони,
Бә мәјдонон гырдә әкәјш чәсмони.
Барзә сәдо лап әтокни осмони!
Бәнә шири навәдә бәше ки чәмә?
Ыштә руфы әмонәт дој Ты бәмә!
Ғалибијәт һежо деты һәмробе,
Озодәти әнҹәх ышты шә робе!
Чәмә ҹондә шәјтони ғуф тәро бе,
Мыхәннәтән ышты вәдә дәнәмә,
Ыштә руфы әмонәт дој Ты бәмә!
Зындәм, Әли, ышты һежо сард бәбе,
Де гурәдән ышты чанә дард бәбе!
Охо бәјжиш, һич бәнә Ты мард бәбе?!
Тов әвәниш, аз чок зындәм, беәмә;
Ыштә руфы әмонәт дој Ты бәмә!
Ты рушнәбиш, дылонәдә вәшдәбиш,
Марде чиче, бәчәј савдо рә дәшиш!
Тади гәтиш – сахтә ружи охо шиш;
Һич вәнәшә, Нәвузә ид, Кул номә,
Ыштә руфы әмонәт дој Ты бәмә!
Чы Толыши зәминәдә мо бәбиш,
Мардә ҹони ҹо зәминдә нәһаштиш!
Шилво воте, бәштә орзу дәрәсиш,
Хоко бешәј ижән бәштә хок бомә,
Ыштә руфы әмонәт дој Ты бәмә!
Ғыбо гәтдә чымы хыртә, тәседәм,
Ым зәмини аз ғыјзику һаседәм!
Ышты шеку шәвән-ружән јасәдәм;
Ым чәшоным, Әли, боты ве бәмә!
Ыштә руфы әмонәт дој Ты бәмә!
01. 02. 2017 с.
Комментарии (0 добавлено)
Политика и экономика
Интервью / Заявление
