Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | ||||||
| 3 | 4 | 5 | 6 | 7 | 8 | 9 | |
| 10 | 11 | 12 | 13 | 14 | 15 | 16 | |
| 17 | 18 | 19 | 20 | 21 | 22 | 23 | |
| 24 | 25 | 26 | 27 | 28 | 29 | 30 | |
| 31 | |||||||
Рассылка
Оцените содержание статьи?
БӘВИНДЕЈОН !
[ Әли Насир ]
Толыши бојдәғи, һимни соәхи бәвиндејон,
Чәмә милләт бәсәне ыштә һәхи, бәвиндејон!
Обәкушне чоко бәндә, чы Хыдо вошнә шоми?
Бәнә памбә вәшедә әв дыләдә дыштә воми.
Һәлә һурмәт нодә әв бәштә бобон мәрдә номи,
Әчеј осмондә авон чәккә-чәхи бәвиндејон,
Чәмә милләт бәсәне ыштә һәхи, бәвиндејон!
Ә кијәј, ым кијә Зәрдуштә бобо вошнијәше,
И кәрән винде әчеј амбурә поснон евәше.
Бешәбу һар мәһоло Атропат, ужнән бебәше.
До бәка ыштә ришә, ыштә рәғи, бәвиндејон,
Чәмә милләт бәсәне ыштә һәхи, бәвиндејон!
Бә чәмә бын һәхә ро соғнә еғандо ки, коле,
Чиче фәрғыш коли, тырке, әрәбе ја моғоле?
Шәғоли иглә ном һесте, ә номән ки шәғоле.
Бәбыре әв чәвонән вәххә-вәхи, бәвиндејон,
Чәмә милләт бәсәне ыштә һәхи, бәвиндејон!
Мәло ғандән бә Толыш-һы... Толышон һәммә мәлон,
Шаири чок вотәше “тер бығәтом бәшмә боло”.
Бәмә һар кәс перашо әј бәкамон вырты выло,
Пешо чәј зыкмәвулә, шат бә шәхи бәвиндејон,
Чәмә милләт бәсәне ыштә һәхи, бәвиндејон!
Ружи-ружгон бәбе ки саһиби-мәјдон бәбе әв,
Бәбе ҹәм боштә һәхи, “Бе-ныбе?!” усјон бәбе әв.
Чоко бә сыфтә, ужән Хан Толышыстон бәбе әв.
Толыши бојдәғи, һимни соәхи бәвиндејон,
Чәмә милләт бәсәне ыштә һәхи, бәвиндејон!
Комментарии (0 добавлено)
Политика и экономика
Интервью / Заявление
