ИЖЭН ЭВЭJМ

Разделы

Архив

Пн Вт Ср Чт Пт Сб Вс
1
2345678
9101112131415
16171819202122
23242526272829
3031

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 18 голосов)
Изменить размер шрифта Decrease font Enlarge font
image

 
 

ИЖӘН ӘВӘЈМ

Бәһмән Салеһ

 

            Выләнози тожә вәјуомә вахтонбин. Мерзо Нәсир бекорә ружонәдә нәҹҹорәтијән әкәј.

            Ружи бастејдәбе че Хансыво кәјбә-пенҹә. Диләгоныш екардәшбе че Хансыво тожә кәј жинә мәртәбәдә. Маштони әши, шанговони әвој бә кә. Че Хансыво жен, одәми һов быбу, чокә сурфә дәәрости, ләзәтинә хорәкон әпати. Бә Мерзо Нәсири жыго әвој ки, ыштә умрәдә һардәшни жыго ләзәтинә хорәкон. Һежо дәәвони ыштә дыло ки, кешкә Выләнозијән умутәшбәј жыго пате-дуте.

            Де ын орзујән окардыше бә кәсојби гәв ки, бәбе, дештә бијәм ыштә һәмро Выләнозијән, әвән комәг быкә бәмы? Че Хансыво жен, одәми һов быбу, ве рози бе, һәтто хаһиш кардыше ки, машки омеәдә дештә бијә Выләнози.

            Һа жыго, ды-се руж Выләноз дәј бә иврә ше-омәј бә Хансыво кә. Хансыво жени ве бәгәм кардыше Выләноз, һејрон бе бәчәј речинәти, бәчәј тәмизәти, бәчәј хосјәти. Сурфә дәростеәдә, хорәк патеәдә, чај дојәдә, че Хансыво жени кардә һар коәдә Выләноз дасткобе.

            Чиј дәныварде, Выләнози пегәтыше че Хансыво жени сәлеғә-сәһмон. Ысәт бәсә ыштә устодисә – че Хансыво женисән ве чок пат-пеш кардејдәбе.

            Руж чы ружон усто Мерзо Нәсир ҹојли омәј бә Хансыво кә. Бә Выләнози пемужијә жени тәҹуб кардыше бәчәј номе. Де тәҹуби дамә бе ки, бәс Выләноз бочи номәј? Хыдо ныкардә, нохәш гыније, ја чич бе? Аз ымруж һозы бејдәбим донәјнә ләпә поло быпатым, чәј палијоән ҹурбәҹурә чәрәзон.

            -Чы патә поло әбыниши јәғын мысл, бәпатеш, баһардем, тыни аз тариф бәкардем! Бәвотем бә Выләнози, әвән ҹо ружи бәпате, баһардем, тариф бәкардем!

                        -Мерзо бојли, ым чы мәсәләј?

            -Хыдо ышты ҹони хәш быкә, һовә, Выләнози пате дәрсыш ыштыку жыго сәше ки, ысәт ангыштон лыштејдәм чәј патә хорәкон һардеәдә. Ды-се ружән шә-омәбәј шымә кәј, тарсәјм ки, жыго бышо, баһардем ыштә ангыштон Выләнози патә хорәкон һарде бәпештә!

            Че Хансыво жен, одәми һов быбу, есә сәрәсәј Выләнози чәвон кәј ше-оме мәғсәд, ве шо бе чәј дыл, шукур кардыше бә Хыдо…

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|