ОРАНДИ ЛЭТИФОН

ОРАНДИ ЛӘТИФОН

“Шәвнышт”

Пијәсоәдә Мејхоси сыпә рангәдә быбо, чоке!..

                Гыләј орандыжә зоә сәрбозәтику омејдә бә ди. Хәјли бекорә нәвејдә. Охој чәј пыә безо бејдә, вотејдә:
                -Баләма, вәсе һәни бекорә-бекорә нәвәјш. Быши бә Боку, гыләј ко пәјдо быкә, пул ғәзәнҹ быкә.
                Зоә омејдә бә Боку. Мыддәти ко кардејдә, тикәј пул гырдә кардејдә. Чәјо бә ғәрор омејдә ки, бышу бә ди, осә бывғанды ыштә пыә-моә. Нышә пијејдәше гыләј кыло быһыры боштә пыә. Занг кардејдә бәштә пыә. Вотејдә:
                -Гәгә, пијејдәме гыләј кыло быһырым боты. Ком рангәдә быбо кыло, чок бәбе?
                Пыә-зоә телефонәдә һа гәп жәјдән, ијәнды сәросне зынејдәнин. Охојәдә пыә вотејдә бәштә зоә:
                -Чымы балә, Пијәсоәдә Мејхоси сыпә рангәдә быбо, чоке!..