Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?

“И ТАХТӘ БӘ КАМОН”
Бәһмән Салеһ
Ныштәбимон че пинәвонә Һәмзә дуконәдә. Бетон – шәхтә, дыләтонәдә пич вәшејдәбе. Пијәмердә Мерзо дәше бә дукон, огәтыше бә ож. Шәхтә һәрәсон дәфырсијәј бә дылә. Ҹывонәсинә Нусо рост кардыше ыштә сәдо:
-Зә, бочи ныжәнәј бә? Сарди виндејдәниш? Дасты рәсејдәни бә думо?
Пијәмердә Мерзоән, һежо әмәнән бәрк пәрт бимон чы сыханон бәпештә. Мерзо дик огарде бә пешо, беше бә би ожә бәјку, де еһмоли едоше бә. Һич кәс чәш кардејдәныбе ыми. Нусо ыштәнән опыртијәј, интаси ныноше ыштә пешт бә зәмин, вотыше:
-Рост вотејдәмәни! – Виндыше ныштәкәсон дијән, бырнише ыштә сәдо.
Пијәмердә пинәвон дамә бе ыштәни ошанде-ошанде:
-Беовғатә дијовыже, и тахтә бә каме.
Әмә һәммәј де тәҹуби ерәхәјмон бә пинәвони:
-Усто, ым чы сыханбе, воте?
Усто, дастәдә ғунҹә мәшо, пинә карде-карде вотыше:
-Шурә һукмәт тожә омәбе. Ро еғандејдәбимон Че Базарлу-Башјол дијон арәдә. Руј кутисә пард дутејдәбимон. Парди сәпе жәјро гәрәк быә тахтон бахш кардә быәбин бә дијон арәдә. Беовғатә дијовыжон бә кам вардышоне иглә тахтә. Чы иллоф кардымоне, нывардышоне ки, нывардышоне ә иглә тахтә. Чә вахтику ын ләғләғә манде бо беовғатә дијовыжон: “Беовғатә дијовыжон и тахтә бә камин”.
Ыштобән Нусо чә дијојбән. Сәш евә жәше бә жи, беше дуконо ше…