ОРАНДИ ЛЭТИФОН

ОРАНДИ ЛӘТИФОН

“Шәвнышт”

Аз Гәгә тоно пәпруз кәшејдәм ки?!

            Орандәдә гыләј мерди дыглә зоәш бејдә. Чәвон гыләјни ағылманд, ә гыләјни камиши мајф бејдә. Ружи мерд вәјә кардејдә боштә ағылмандә зоә. Бә мајфи чок-чоки асбардејдән ки, әв ағылманд быбә ыштәни вәјәдә, којыш ныбу де мәхлоғи, пејарыш ныкә бә һич кәси, кам рахс быкә вә саир. Зоән вотејдә чок.
            Вәјә бино бејдә. Тожә бәги вардејдән бә чоды. Мајфә быјә ешејдә бә рахс, бешејдәни мијоно. Ағылмандә быјә һа һым-ҹым кардејдә ки беши мијоно, бәчәј ејнән омејдәни! Бәг сәдо кардејдә ыштә пыә, вотејдә бәј:
            -Гәгә, быши де тәһәри бекә әј мијоно, ајбе, рысво бимон ҹәмати тоно!
            Мерд нез омејдә бәштә зоә ки, әј де тәһәри бекә мәјдоно, зоә дәкујејдә ыштә пыә, әв гынејдә бә замин, мардејдә!

            Бәг омејдә ыштә быјә сәпе, дәмандејдә бәј бо танә-тоһмәт жәј:
            -Зә, ым чы әдовәтбе карде дејәмә, бочи дәкујәј Гәгә, кыште әв?

            Мајфә зоә вотејдә:
            -Зә, аз чич быкәм, әј әсәбиныш карде мы, азән дәкујәме әв!
            Бәг вотејдә:
            -Зә, кәхәлизи балә, әсәбы карде, пејәгәтим гыләј пәпруз әкәшимәни!
            Мајфә быјә вотејдә:
            -Зә, аз Гәгә тоно пәпруз кәшејдәм ки?!..