МОJ ДЫЗДЕ hЭРОМ НИ

Разделы

Архив

Пн Вт Ср Чт Пт Сб Вс
1
2345678
9101112131415
16171819202122
23242526272829
30

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 62 голосов)
Изменить размер шрифта Decrease font Enlarge font
image

 
 

МОЈ ДЫЗДЕ ҺӘРОМ НИ

Бәһмән Салеһ

 

            Ҹомәрди Улумә рујәдә хәјләки мој гәте бәпештә сыст бе, отәш сәноә клонәку олхарте ки, тикәј быһыто. Һытејән. Бәвәдә хәбәдо бе ки, виндыше мојон нин, дызди бардәше. Вите бә сәмти, беше бә һәмо, бәне дызд витедә кулисә де мој пурә гушә…

            Мојәвони дыздыш бә со дәшеәдә гәтыше. Дызд че мәло зоәбе. Бә һај-ку мәло кәјку беше бә бетон. Ҹомәрди вотыше бәј:

            -Мәло, ышты зоә дыздијәше руј сәдә чымы гәтә мојон, вардәше бәшты кә. Хаһиш кардејдәм, быдә чымы гәтә мојон, бышум, һәроми дәмәнә бәштә кә.

            Мәло зевылә сырә кардыше, вотыше:

            -Ҹомәрд балә, мој дызде һәром ни. Чумчыко симу-зәре. Ғәјзи бәј, һәром ни дыздијә пијоз. Чумчыко тәвәне. Дыздијә сијән һәром ни, чумчыко һестыше бевәҹә бу. Тыршә ләл-гылән жәго. Амбоәдә, хәзинәдә, вишәдә, кәфшәнәдә, дыјоәдә, рујәдә дыздијә чијон һәром нин, чумчыко ләжәнин. Бә сә дәшиш, чымы балә? Быши, даст быкәш зоәмку, дыздијә мојонку. Ја не, гынокор бәбеш!

            Сәбарз һут манде бы кој, ку-пәшимон бе. Пијәше огардо, бәне че мәло соәдә – дылә һијәдә һесте пијоз, си, доонәдә ҹурбәҹур ләл-гыл. Ошәви нимәдә, мәло шинә һанәдә беәдә, омәј, дәрандыше си-пијозон, чынише доон ләл-гылон, гушәбәпури кырнише бә кә.

            Маштәнәј мәло хәбәдо бе, сәмтыш зынәше ки, во чыконҹо гынијә. Омәј һәмонә мојәвони кәј, виндыше ыштә со-бәдә быәјон, ғыјзи жәше бәчәј сә, вотыше:

            -Ҹомәрд балә, ты ын си-пијозоны дыздијә чымы һисоо. Һәром һардеку тарсејдәниш? Хыдо ғәзәб бәкарде бәты!

            Мојәвон дамә бе де тывохи:

            -Хосә мәло, зынејдәниш ки, пијоз дыздије һәром ни, чумчыко тәвәне? Си дыздије һәром ни, чумчыко һестыше бевәҹә бу? Тыршә ләл-гылонән жәго. Чәјобәчәтон амбоәдә, хәзинәдә, вишәдә, кәчфшәнәдә, дыјоәдә, рујәдә, со-бәдә дыздијә чијон һәром нин. Чумчыко ләжәнин, вејин! Мәло, вәјнә бемәши бәштә вотә һыкмон, ја не, бә гыно дәбәшеш!

            Мәло кутыш кујәше, огарде чәјо бә кә. Чич ебәкардеш бә тијончә, әв бебәше бә чамчә, - вотыше ыштән бәштә…

 

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|