ИЗН БЫЭБЕ?

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 33 голосов)
Изменить размер шрифта Decrease font Enlarge font
image

 

ИЗН БЫӘБЕ?

Бәһмән Салеһ

 

            Мерзо Нәсири женә авлодон гырдә быәбин бәчәј сә: һивон, ијон, зомон, һәмзомон, чәвон авлодон һај тәрәфо омәбин. Выләноз һәни зывони беко һаштејдәныбе, һежо бә гәпбе, бә һич кәси әмон дојдәныбе, бә һәммәј ләғ кардејдәбе, лыв печокнејдәбе. Арәдә Мерзо Нәсири рост кардыше ыштә даст, жыбызын, дәрсе, шогирди изн пијејдәше миәллимику:

            -Выли, бәбе бышум бә кәј пешт, бә лынгәро?

            Выләнози ошандыше ыштә сә, јәни “Быши”. Ижән ныманде ыштә гәпику. Ын һол, ын изн пије әнә тәбии бе ки, меһмонон ве тәҹуб кардышоне, нызнәшоне бысырын, ја быбәмын?

            Мерзо Нәсир бә һички етино ныкарде-ныкарде, пегәтыше овтовә, беше бә бетон. Ләзи бәдигә омәј дәше бә кә, ноше овтовә, ныште ыштә вырәдә, ашиш-ашиши ижән дәманде бәштә жени гуш дој. Јолә һив дамә бе:

            -Мерзо, ым чы һәх-һисоббе? Бо лынгәро шејән иҹозә?

            Мерзо Нәсири сәше ҹиддијә һол, тәмкин доше бәштә сәдо, вотыше:

            -Шымә һовә тәләбе ки, бә ҹо вардејдәм: беәј, бе чәј иҹозә и гәмән шонибәдом! Хәто бәбе, аз беәј који быгәтым, ја који быкәм, ғыјомәт быәбе чәмә кәдә!

            Меһмонон дыминә сәфә һәдәјон мандин бә Мерзо бын гәпи, бын һәрәкәти. Нызнәшоне ҹидди вотејдә, ја зәрфәт кардејдә? Әнҹәх нывиндышоне әв ки, арәдә Выләнози доше гыләј чәшәмури бә Мерзо Нәсири!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|