АЗ АFЫЛМАНД, ШЫМЭ СЭФЕ

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 33 голосов)
Изменить размер шрифта Decrease font Enlarge font
image

 
 

АЗ АҒЫЛМАНД, ШЫМӘ СӘФЕ

Бәһмән Салеһ

 

            Пәнҹәли де Вәси тукә нышонәдә бәгәм кардәшонбе ијәнды. Пәнҹәли донә кырнејдәбе, Вәси нышон кардејдәбе. Жијејдәбин ијәндыку бехәбә.

            Ружи маштәвобе. Пәнҹәли де пурә сәвәхи омәј. Тумә дастоныш пешанде бә леки дылә, оноше бә кули тәјлијә сәвәх. Пијејдәшбе огарды, женон чә леко бешин, огардин бын лек. Вәси ғандыше бә тумәдастә, бәнем гыләј рангинә донә соф че дастә мијоно едјәсә бә Вәси. Нызнәме Илаһикубе, Һәши дәвәтәшбе, Вәси дыл дәшәбе бә ешғ, чичикубе, ыштәку бехәбә кәшәше гыләј нығылә аһ, һәтто пәнҹәли мәсәше, лынгыш даһаште, огарде едјәсәј бә Вәси. Вәси виндыше че Пәнҹәли дијәнон, сы бе бәнә чәғынде. Гылнози виндыше ын һол: Вәси аһ кәше, Пәнҹәли огарде едјәсе, Вәси си бе, дастәдә рангинә донәјнә дастә гәте – бәгәм ымон хәбә дојдәнин тожә ешғә дастонику? Гылнози чәккәнә жәше сырәј, женон һәммәј рост кардышоне ыштә сә, едјәсәјн бын дыглә ҹывони: Пәнҹәли де Вәси огардәбин бә бырһоз, һут быәбин мандәбин. Че женон сырәһујә тыпнише осмони чилинг. Ҹывонон сајсимә бин.

            Пәнҹәли сәвәф кутисә, гырон ларзе-ларзе беше ше. Вәси хәҹоләтику еновнише ыштә сә сару, дәманде бо нышон карде. Әнҹәх Гылнози чәшику ныгарде: Вәси дәғандыше рангинә донә бәштә синә арә…

            Чә ружику мандин хәлғи нәзәдә. Мәвужи ын ҹывонон тожә омәбин бә ели дылә. Виндышоне ки, Пәнҹәли гыләј пәһливонебән: панәкулинҹ, барзәболо, дыләсут, рәһмдо. Вәсијән гыләј речинә кинәјбән: бәнә ови сонә сипи, дыроз, чәш-бәвин, шинәләвз, һәшисыфәт…

            Пәнҹәли ружи пегәтыше витвонише Вәси, бардыше бәштә кә. Кә вотеәдә, гыләј гәдә кумәбе: нызымә бә, ичәшә пенҹә. Дыглә сәғыр-јәтими дошоне сәбәсә, дәмандин жије дештә дасти зәһмәти.

            Ымышонән ве зынәшоне бәвон! Вәси ше-ше рушнә доше бәнә Һәши, гыләј речинә вәју бе ки, де ды чәши дијә карде бејдәныбе бәј.

            Бырғәдир Кумбалә чәш дамәј бәј. Сыфтә де чәш-бәви, де шинә сыхани, де тарифи пијәше дәшу бәчәј дыл. Вәси ки зынәше чәј фикир, вотыше, бынышт ыштә вырәдә, Пәнҹәли фамәј, тыни бәкыште бә и мышт!

            Бәвәдә Кумбалә ҹәһд кардыше арәо пегәты Пәнҹәли: әј әвғанди бә конфрансон, бә выставкон, бә сифаришә коон. Сыбут кардыше ки, Пәнҹәли тылә сәрбозәтику.

            Вәси бәмә-шивән карде-карде бардышоне Пәнҹәли бә сәрбозәти.

            Чы тәрәфоән егыније мыһорибә. Пәнҹәли шәһид бе хәбә омәј. Вәси бе сәрбозәхыјзон. Че Пәнҹәли мандәшбе иглә јодигор, әвән Ханноз. Бырғәдир Кумбалә ве иллоф кардыше ки, сојб быбу бә Вәси, әнҹәх Вәси даст ныдоше бәј.   Ысәтән ғандыше даст ки, че Вәси кинә Ханнози бәстем боштә зоә Ханбалә. Вәстијән хәбә вығандыше бәј ки, ыштә гушәбыни бывиндо, бәвәдә Ханнози вәју бәвинде!

            Вотејдән ки, ружи сипириш-сијориш мандејдәни, Кумбалә пегәтејдә омејдә бә Вәсихалә кә бә дајнәти. Пешо ҹәмати дыләдә дастон быә гыләј соһбәт бејдә ијо:

            -Вәси ханым, че Кумбалә зоә дешты кинә пијејдәшоне ијәнды.

   -Кинә чымыне, дујә сыхане, бовә мәкән!

            -Вәси ханым, ҹәмат боштә зоә сәјдә чордә-понзә синәдә кинә, ышты кинә һестыше висты пенҹ син!

   -Кинә манде-манде бә ғызыл обәгарде. Чымы кинә һестыше алијә тәһсил, һестыше ыштә ағыл, ыштә хышмәт. Сојә әғыл ни, ку ни, кәчәл ни ки, чымы кути быманды. Кинә чымыне, аз бәзнем бәки бәдом!

            -Тынән нәнәш, Хыдо пејсә бәрһәхе, ҹывонон мәкә ијәндыку!

   -Ханноз чымы Пәнҹәли јодигоре, Кумбалә доше гин карде Пәнҹәли. Чәј нышонә әдәним бә Кумбалә Хыдоән, чички бәчәј зоә! Ысәт шымә фик быкән: аз ағылманд, шымә сәфе. Аз пентоно, Хыдо жинтоно. Ки һәхе, ки ноһәхе?

            Сипиришон ерәхәбин бәјәнды, әштәбин шәбин бәштә кәон…

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|