ЧЭМЭ ПЭРЭНДОН - БЫЛБЫЛ

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
252627282930

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 28 голосов)
Изменить размер шрифта Decrease font Enlarge font
image

 
 

ЧӘМӘ ПӘРӘНДОН

 

БЫЛБЫЛ

бүлбүл – соловей

            Жәғо гыләј одәм пәјдо карде әбыни ки, былбыли нызно, ја әвыш ныпијо. Росте, былбыл чәмә тәрәфонәдә һежо бејдәни, әвәсорәдә омејдә, пози сыфтәдә, мијонәдә бешејдә шејдә.

            Былбыли порон хакин. Пешти пороныш ғәдәри бә сијо ранги жәјдә. Синә, лузи жиј порон рушинә рангәдәј (бә сипи, боз жәјдә).

            Думыш камиши дырозе, думи порон зард-мыхәки рангәдәј. Былбыл һырдә пәрәндәј. Әчәј тыкику тобә думи ҹәми 15–16 см бәбе.

            Былбыл вишәдә, боғонәдә, до-кул веј бә вырәдә жијејдә. Нызымә тоғон, кулон хычонсә, гыләј нијонијә вырәдә лонә гәтејдә. Аләф, һырдә хол-хычә, ливә, пор вардејдә лонә дутејдә. Былбыл һаканә ыштә лонә че бырон арәдә – зәминисән дутејдә. Лонә жоғо дәпушындә ки, әј доәда, че хычон арәдә, зәминисә бырон, аләфон арәдә винде бејдәни, јәни ҹобәҹо карде бејдәни. Былбыл 5–7 гылә моғнә нојдә, 11–12 руж кылык ныштејдә, балә бекардејдә. Бо зомсони дәвоне бә Африка шејдә.

            Былбыл һәмән чокә ханәндәј. Әв бә шәвән, бә ружән һандејдә. Әләлхысус, әчәј шангонә кәнсерт бә гушәдон веј әсәр кардејдә. Әве ки, ән чокә ханәндон сәдо, чәвон һандә маһнејон бә былбыли маһне һанде охшәш дојдән. Һежо бы горәје ки, че Озорбојжони ән јолә баһанд Муртуза Мәммәдови Былбыл тәхәллусыш пегәтә.

            Толышәдә жоғо гыләј рәвојәт һесте:

            Былбыл - пијә зоә, выл әчәј пәвәндије. Былбыл (зоә) ыштә пәвәнди тонику шејәдә, әчәј (выли) теғон бә былбыли синә ешејдән. Чә вахтику былбыли синә порон сын – хунинин. Әдәбијјотәда һежо бә былбыли шеер һәср кардә бә. Шаирон әвышон вәсф кардә.

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|