Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
РУБАИЈОН
Омәр Хәјјам
бә толыши пегордонјәкәс: Нәби Әвәз
Фарси јолә шаир, философ, олим Омәр Хәјјам
885 сор бәнав, 1131 сори декабри 4-дә бә рәһмәт шә.
Зәнн мәкә, тарсым че ҹоһоникује чымы,
Ја и руж марде шәкәс ын ҹоникује чымы.
Марде һәхе, че һәхи чич тарсәним,
Тарсым әнҹәх че жимоникује чымы.
***
Ҹәһынным-вәјшт ки виндә, һа дыл ?!
Ки ше әјо, огарде зындә, һа дыл ?!
Тарсымон, умумон чә чијкује ки,
Һички әвыш нә чинә, нә виндә, һа дыл !
***
Пенҹ руж ын дынјо бе чәмә мәнзилимон,
Дарды-бәло бе чәмә иглә һосилимон.
Шимон дыләдә де һәзо гылә һәсрәти,
Һејф ки, һәл ныбе и гилә ишкилимон.
***
Де тәјлә орзу жимоным карде бәрһәм,
Шо ныбим умрәдә фәгәт и руж, и дәм.
Тарсым ыме ки, әҹәл нибәдо һич әмон,
Ын пенҹ ружә дынјодә быстәном аз кәм.
***
Меј пешомдәнишбу, бә мәстон мәжән танә-филон,
Са ғәлби бә ғәм – дард дәнодә фитнә-фелон.
Ты дештә ды һаләти фәхр кардәш, әнҹәх,
Пешомесән са кәрә бәдин ышты бәд әмәлон.
***
Бә жимони дом егынијә пәрәндәмон,
Әсри дастәдә һежо охлиҹ мандәмон.
Гыләј мәрәдә мандәмон, нә кумыше, нә бә,
Бе орзу-омејдә, шәдә-бе һосил, дәмандәмон.
***
Бехәбә дылику бә ҹон омим аз,
Дардәжә ҹонику веј бә додим аз.
Дынјо нәзәсә ниј-һыстим аз, ним аз,
Бочи, ајә ын дынјо омим аз ?!
***
Саги, быдә меј, аләми ко и нәфәсе,
Шо быбум бә и нәфәси, әвән вәсе.
Рози быбу, чич бешо бәшты раст,
Әв кије ки, бә һәммә орзун рәсә ?!